Հայաստանի ԱԳ նախարար Զոհրաբ Մնացականյանը հուլիսի 4-ին այցով կուղեւորվի Արցախ: Այս մասին հուլիսի 3-ին մամուլի ասուլիսի ժամանակ ասաց ԱԳՆ մամուլի քարտուղար Աննա Նաղդալյանը:
Նրա խսքով՝ այցի շրջանակում նախատեսված են հանդիպումներ Արցախի նախագահ Բակո Սահակյանի, Ազգային ժողովի նախագահ Աշոտ Ղուլյանի, ԱԳ նախարար Մասիս Մայիլյանի հետ:
«Սա պարբերական գործընթաց է, Ադրբեջանի ԱԳ նախարարի հետ հանդիպումից առաջ կամ հետո Հայաստանի ԱԳ նախարարը հանդիպում է Արցախի ղեկավարության հետ: Սա արվում է, որպեսզի Արցախը գործընթացին ավելի ներգրավված լինի: Բայց սա չի փոխարինում Արցախի անմիջական մասնակցությանը: Բնականաբար, հանդիպումների ժամանակ կանդրադառնան Վաշինգտոնում քննարկված հարցերին»,- նշեց Աննա Նաղդալյանը:
