Հուլիսի 9-ին ԵԱՀԿ ոչ պաշտոնական նախարարական հանդիպման շրջանակներում տեղի ունեցավ Հայաստանի եւ Սերբիայի ԱԳ նախարարներ Զոհրաբ Մնացականյանի եւ Իվիցա Դաչիչի հանդիպումը:
ԱԳՆ-ից NEWS.am-ին հայտնում են, որ կողմերը քննարկեցին երկկողմ օրակարգի մի շարք հարցեր՝ ուղենշելով քաղաքական երկխոսության առավել ակտիվացման ուղղությամբ ձեռնարկվելիք առաջիկա քայլերը:
Զրուցակիցների ուշադրության կենտրոնում էին նաեւ միջազգային կառույցներում փոխգործակցության խորացմանն առնչվող հարցեր, ինչպես նաեւ տարածաշրջանային եւ միջազգային օրակարգի մի շարք հրատապ խնդիրներ:
Հայաստանի եւ Սերբիայի ԱԳ նախարարներն անդրադարձ կատարեցին ԵԱՀԿ օրակարգային խնդիրներին, մտքեր փոխանակեցին Կազմակերպության գործունեության եւ դրա շրջանակներում համագործակցության շուրջ:
