News
Լրահոս
News
Ուրբաթ
Օգոստոս 23
USD
475.91
EUR
527.4
RUB
7.25
ME-USD
0.13
Տեսնել լրահոսը

Վիեննայում միջազգային կազմակերպություններին կից Իրանի մշտական ներկայացուցիչ Քազեմ Ղարիբ Աբադին ասել է, որ ԱՄՆ-ը չի հասել ցանկալի արդյունքների Ատոմային էներգիայի միջազգային կազմակերպության (ԱԷՄԳ) Կառավարիչների խորհրդի հատուկ նստաշրջանում՝ Իրանի միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) պայմաններին հետեւելու հարցում, տեղեկացնում է ՏԱՍՍ-ը՝ հղում կատարելով IRNA-ին։

Մշտական ներկայացուցչի խոսքով՝ ԱՄՆ-ը ցանկանում էր հրավիրել արտահերթ նիստ Իրանի կողմից ԳՀՀԾ-ի կատարման հարցով, բայց երկրների մեծ մասը կողմնակից չի եղել այդ առաջարկին։ «Երկրները միաձայն դատապարտել են ԱՄՆ դուրս գալը ԳՀՀԾ-ից եւ նշել, որ նման հանդիպումը համաձայնագրի դրույթների քննարկման վայր չէ։ Այդ հարցը պետք է լուծվի «5+1» խմբի նիստում»,- ասել է նա։

Իրանի ներկայացուցիչը նաեւ ասել է, որ «հատուկ նստաշրջանում ԱՄՆ-ը մեկուսացման մեջ է եղել եւ չի կարողացել ստանալ այն, ինչին ձգտում էր»։

«Միացյալ Նահանգները մտադիր էր օգտագործել հանդիպումը իր քաղաքական շահերն առաջ տանելու, Իրանին դիմակայելու համար, բայց դա նրան չհաջողվեց»,- ասել է Քազեմ Ղարիբ Աբադին։

Վիեննայում հունիսի 10-ին տեղի էր ունեցել ԱԷՄԳ Կառավարիչների խորհրդի հատուկ նիստը՝ Իրանի միջուկային գործի շուրջ իրադարձությունների զարգացման թեմայով։ Նստաշրջանի անցկացման հայցադիմում ներկայացրել էր Վիեննայում միջազգային կազմակերպություններում ԱՄՆ մշտական ներկայացուցչությունը, որը համոզված է, որ միջազգային հանրությունը պետք է պատասխանատվության կանչի Իրանի իշխանություններին միջուկային համաձայնագրի առումով կատարած քայլերի համար։ Հուլիսի 8-ին ԱԷՄԳ-ն հաստատեց, որ Իրանը գերազանցել է ուրանի հարստացման մակարդակը 3,67 տոկոսից, ինչը սահմանափակված էր միջուկային գործարքով։ Հուլիսի 1-ին ԱԷՄԳ-ում տեղեկացրել են, որ Իրանը գերազանցել է ցածր մակարդակով հարստացված ուրանի 300 կգ  պաշարների շեմը, ինչը թույլատրված էր միջուկային գործարքով (ԳՀՀԾ)։ Գործակալության գլխավոր տնօրենը զեկուցել է Կառավարիչների խորհրդին Իրանի իշխանությունների յուրաքանչյուր քայլի մասին։

ԳՀՀԾ-ն Իրանը կնքել է ՄԱԿ Անվտանգության խորհրդի մշտական անդամների (Ռուսաստան, Մեծ Բրիտանիա, Չինաստան, ԱՄՆ, Ֆրանսիա) եւ Գերմանիայի հետ 2015-ին։ Գործարքը սահմանափակում էր Թեհրանի միջուկային մշակումները ՄԱԿ պատժամիջոցների եւ ԱՄՆ-ի եւ ԵՄ-ի միակողմանի սահմանափակիչ միջոցների չեղարկման դիմաց։ Իրանն այն ժամանակ պարտավորվել էր 15 տարվա ընթացքում չհարստացնել ուրանը 3,67 տոկոսից ավելի եւ հարստացված ուրանի պաշարները պահել 300 կիլոգրամը չգերազանցող մակարդակին, ինչպես նաեւ ծանր ջրով հավելյալ ռեակտորներ չստեղծել, չկուտակել ծանր ջուր եւ չզբաղվել միջուկային պայթուցիկ սարքի սեղծմամբ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանի նավթի արտահանման զրոյացման դեպքում միջազգային ծովային երթուղիներն անվտանգ չեն լինի. Ռոհանի
Նրա խոսքով՝ «Իրանի վրա միակողմանի ճնշումը կի կարող տարածաշրջանում եւ աշխարհում անվտանգություն ապահովել»...
«Առավելագույն ճնշման» ԱՄՆ արշավը չի կարող Իրանին ստիպել վերադառնալ միջուկային բանակցությունների սեղանի շուրջ
Նա նշել է, որ Իրանի հասարակությունը վաղուց գործ ունի միջազգային պատժամիջոցների հետ եւ Իրանի փողոցներում տրամադրությունները ապացուցում են Թրամփի վարչակազմի քաղաքականության ձախողումը...
Իրանը ԱՄՆ-ի հետ նոր գործարք է ցանկանում. Թրամփ
Սա կապված է այն հանգամանքի հետ, որ պատժամիջոցները մեծ վնաս են հասցնում իրանական տնտեսությանը…
Իրանը կոշտ եւ արագ պատասխան կտա ցանկացած ագրեսիային
Անդրադառնալով Իրանի միջուկային գործունեության վերաբերյալ ԱՄՆ-ի անհիմն դժգոհությանը, Արագչին նշել է, որ հաշվի առնելով երկրի հետգեւոր...
Եվրոպական երկրների հետ միջուկային համաձայնագրի շուրջ Իրանի բանակցությունները «ավելի լուրջ են դարձել»
Վաեզին հավելել է, որ առաջիկայում նախատեսվում է եւս մեկ հանդիպում անցկացնել, որին կմասնակցեն Իրանի ԱԳ նախարարը եւ համաձայնագիրը ստորագրած 3 եվրոպական երկրները...
Թեհրանում հայտարարել են միջուկային գործարքով պարտավորությունները կրկին կրճատելու մասին
Այնուհետեւ կտրամադրվի 60-օրյա նոր ժամկետ, որպեսզի գտնվի այս խնդրի լուծումը…