Ադրբեջանում բավականին նյարդային են արձագանքել ԱՄՆ Ներկայացուցիչների պալատի որոշմանը, որը հավանություն է տվել դեմոկրատ կոնգրեսական Բրեդ Շերմանի առաջարկած օրենսդրական լրացմանը՝ ԱՄՆ-ում արտադրվող պաշտպանական նշանակության ցանկացած արտադրանք Ադրբեջանին տրամադրելու արգելքի մասին, որը կարող է օգտագործվել Լեռնային Ղարաբաղ ժամանող կամ այնտեղից մեկնող քաղաքացիական օդանավերին հարված հասցնելու համար:
«Մինչեւ հիմա ԱՄՆ-ն Ադրբեջանին սպառազինություն չի վաճառել: Չնայած դրան, Ադրբեջանը հնարավորություն ունի այլ երկրներից ձեռք բերել առաջավոր ռազմական տեխնոլոգիաներ»,- նշված է Ադրբեջանի պաշտպանական գերատեսչության հայտարարության մեջ:
Երիկրի պաշտպանության նախարարությունն ընդգծում է, որ Ադրբեջանի ՌՕՈՒ-ն հակաօդային պաշտպանության տարբեր միջոցներ ունի, որոնք ունակ են ապահովելու երկրի օդային տարածքի պաշտպանությունը եւ անհրաժեշտության դեպքում ակնթարթային պատասխան տալ:
