Ուկրաինայում Նիկոլաեւ-Սնիգիրյովկա ավտոճանապարհին ՎԱԶ մակնիշի ավտոմեքենան վրաերթի է ենթարկել անչափահաս հեծանվորդների եւ ընկել ջրանցքը: Դեպքի հետեւանքով տուժել է վեց երեխա, հաղորդում է ՈՒՆԻԱՆ-ը:
Նիկոլաեւսկի մարզի ազգային ոստիկանության գլխավոր վարչության կայքում հաղորդվում է, որ վթարը տեղի է ունեցել Կրասնոե Վիտովսկո գյուղի շրջանում: ՃՏՊ-ի հետեւանքով տուժել է 14-17 տարեկան վեց դեռահաս, որոնք հոսպիտալացվել են տարբեր աստիճանի վնասվածքներով: Նախնական տվյալներով՝ Նիկոլաեւի բնակիչ, ավտոմեքենայի 25-ամյա վարորդը չի տուժել դեպքի հետեւանքով: Դեպքը քննվում է ճանապարհային երթեւեկության կանոնների խախտման հատկանիշներով, որը ենթադրում է պատիժ տուգանքի կամ մինչեւ երեք տարվա ազատազրկման տեսքով: Քննչական գործողությունները շարունակվում են:
