Արագածի խառնարանի մոտ ոտքը վնասած քաղաքացուն փրկարարները գտել են եւ ուղեկցել մինչև շտապօգնության մեքենան:
Հայաստանի ԱԻՆ-ում, հուլիսի 14-ին, ժամը 16:53-ին «911» ծառայությանն ահազանգ է ստացվել, որ Արագած լեռան խառնարանի մոտակայքում քաղաքացին վնասել է ոտքը եւ չի կարողանում տեղաշարժվել. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները հայտնաբերել են Ս.Ա.-ին (ծնված 1987 թ.) եւ ուղեկցել մինչեւ փրկարարական ավտոմեքենան, այնուհետեւ տեղափոխել Արտաշավան գյուղի տառերի պուրակ:
