Եղիսաբեթ II թագուհին Բուքինգեմյան պալատում ընդունել է Մեծ Բրիտանիայի նոր վարչապետ, Պահպանողական կուսակցության առաջնորդ Բորիս Ջոնսոնին, հաղորդում է BBC-ը;
«Պարոն Ջոնսոնն ընդունել է Նորին Մեծության առաջարկն ու համբուրել նրա ձեռքը վարչապետի պաշտոնում նշանակվելուց եւ գանձապետարանի առաջին լորդ դառնալուց հետո»,- ասվում է Բուքինգեմյան պալատի պաշտոնական հայտարարության մեջ:
Բրեքզիթի հարցը, որը Ջոնսոնը մտադիր է կյանքի կոչել, նոր վարչապետի խոսքում առաջնային է եղել:
«Այսօր ես կանգնած եմ Ձեր առջեւ, որպեսզի ասեմ, որ Եմ-ից Մեծ Բրիտանիայի դուրսբերումը քննադատողները շփոթվում են: Նրանք, ովքեր դեմ են Բրիտանիային, կմնան առանց գրոշի»,- ասել է նա թագուհու մոտ ընդունելության ժամանակ: Ջոնսոնի խոսքով՝ նա չի կասկածում, որ բրեքզիթը տեղի կունենա հոկտեմբերի 31-ին:
«Մենք չենք սպասի 99 օր: Բրիտանացիները դրան երկար են սպասել, եւ գործելու ժամանակն է: Իմ խնդիրն է ծառայել Ձեզ»,- ասել է նոր վարչապետը: Ջոնսոնը նաեւ նշել է, որ պատրաստ է երկիրը դուրս բերել ԵՄ կազմից «կոշտ» սցենարով: Նրա խոսքով՝ Մեծ Բրիտանիան պատրաստ է ցանկացած լուծման:
