Թուրքիայի Դիարբեքիր նահանգի Հանիի շրջանում մի խումբ քուրդ զինյալներ նռնականետներով եւ ավտոմատ ինքնաձիգերով գնդակոծել են ոստիկանության վարչությունը:
Թուրքական Milliyet-ի փոխանցմամբ` PKK-ի կողմից ոստիկանության վարչության դեմ իրականացված զինված հարձակումը տեղի է ունեցել մարտի 24-ի երեկոյան: Քուրդ զինյալների կողմից արձակված նռնակներից մեկը ոստիկանության շենքում հրդեհի պատճառ է դարձել, որն անմիջապես հանգցվել է:
Ոստիկանությունը պատասխան կրակ է բացել քուրդ զինյալների վրա, ովքեր հեռացել են դեպքի վայրից: Ավելի ուշ ժամանել են ոստիկանության հատուկ նշանակության ուժերը` հայտնաբերելու PKK-ի զինյալներին:
Զոհերի կամ վիրավորների մասին դեռեւս տեղեկություններ չկան: