Բրազիլական Ռիու Գրանդի դու Սուլ նահանգում գիշերային ակումբի վրա հարձակման հետեւանքով զոհվել է հինգ մարդ, եւս չորսը տուժել են, հաղորդում է Life-ը՝ հղում կատարելով Globo հեռուստաալիքին։
Նշվում է, որ դեպքը տեղի է ունեցել շրջկենտրոնից 60 կմ հեռավորության վրա տեղակայված շենքում։ Հենց այդտեղ էր տեղական ժամանակով գիշերը ժամը է 01:00-ին ներխուժել հանցագործների խումբը, որը պահանջել էր անջատել երաժշտությունը։ Այնուհետեւ հանցագործները սպանել են մի կին ու սկսել կրակել այլ ներկաների ուղղությամբ։
Ոստիկանությանն արդեն հաջողվել է պարզել, որ հրաձիգներն օգտագործել են տարբեր տրամաչափի զենք։ Ընդ որում՝ հանցագործության հնարավոր պատճառներից դիտարկվում է թմրավաճառների հավաքը, սակայն կան այլ վարկածներ եւս։
Հայտնի է, որ համայնքը, որտեղ տեղի է ունեցել դեպքը, միշտ համարվել է շատ խաղաղ․ նախկինում դրանում նմանօրինակ ոչինչ տեղի չի ունեցել։
