News
Լրահոս
News
Երկուշաբթի
Սեպտեմբեր 16
USD
476.16
EUR
526.54
RUB
7.43
ME-USD
0.1
Տեսնել լրահոսը

Հայկական բնապահպանական ճակատը հանդես է եկել հայտարարությամբ, որտեղ ներկայացրել է այն հարցադրումները, որոնք կարելի է ուղղել իշխանություններին:

Հայտարարության մեջ ասվում է.

«Այսյօր ժամը 11։00 Քննչական կոմիտեում ասուլիս է Ամուլսարի հարցով։ Ահա այն հարցերի մի մասը, որ կարելի է իրենց ուղղել․

✅ Հարց 1․ Ձեզ դիմել են, որ հրապարակեք նաեւ Էլարդ-ի նախնական բոլոր զեկույցներն ու մինչեւ վերջնական զեկույցի հրապարակումը Լիդիանի հետ եղած հաղորդակցությունները։ Ե՞րբ եք հրապարակելու դրանք։

✅ Հարց 2․ Ինչո՞ւ է շահագրգիռ կողմ հանդիսացող Լիդիանը ներգրավվել քննչական գործընթացի մեջ, ներկայացրել մեկնաբանություններ, առարկություններ, եւ ինչո՞ւ ոչ մի այլ կողմի այդ հնարավորությունը չի տրվել։

✅ Հարց 3․ Ի՞նչ նպատակով է կազմվել մեմորանդում կոչվող փաստաթուղթը, ու՞մ առաջարկով կամ նախաձեռնությամբ եւ ի՞նչ կապ ունի այն հարուցված քրեական գործի հետ։ Ո՞ր իրավասությունների շրջանակներում է քննչական կոմիտեն Լիդիանի հետ քննարկել դրա մեջ նշված միջոցառումների իրականացնելու կամ չիրականացնելու հարցերը:

✅ Հարց 4․ Ի՞նչ մասնագետների հետ է Քննչական կոմիտեն քննարկել Լիդիանի պատասխանների հավաստիությունը, ինչպես նաեւ այն պնդումները, որ արվել են վարչապետի հետ խորհրդակցության ժամանակ: Նշեք անունները եւ թե ինչ գիտական կառույցներ են ներկայացնում:

✅ Հարց 5․ Ինչո՞ւ ձեր հրապարակած վերլուծության մեջ քննչականն անվերապահորեն հավատացել է Լիդիանի պնդումներին եւ հավաստիացումներին՝ անգամ այն դեպքերում, երբ Էլարդ-ի փորձագետները դրանք չեն ընդունել։

✅ Հարց 6․ Էլարդ-ի զեկույցում կան մի քանի տասնյալ լրջագույն բացթողումների մասին հստակ տեղեկություններ, որոնք թույլ չեն տալիս ճիշտ գնահատել բնական միջավայրի եւ մարդկանց առողջության վրա ազդեցության իրական ծավալները։ Ինչպե՞ս եք այդքանից հետո դուք գտել, որ զեկույցը դրական է, իսկ քրեական գործը պետք է կարճել։

✅ Հարց 7․ «Գնահատումների թերի են, համապատասխան հետեւություններն անվստահելի։ Հետեւաբար, հարցին, թե արդյոք հանքավայրի ընդհանուր շահագործումը կարող է ընդհանուր համարվել անվտանգ, հնարավոր չէ պատասխանել»։ Սա գրված է Էլարդ-ի զեկույցում, Ինչպե՞ս եք դուք սրանից հետո պնդում, որ վտանգ չկա։

✅ Հարց 8․ Չե՞ք կարծում, որ Էլարդ- զեկույցում կան բազմաթիվ հիմքեր այլ քրեական գործեր հարուցելու համար՝ նաեւ Լիդիան Արմենիա ընկերության նկատմամբ։

✅ Հարց 9․ Կասե՞ք նախկին փոխոստինապետի անուն ազգանունը՝ ում գրության հիման վրա հարուցվել է այդ քրեական գործը։ Ինչպե՞ս է ձեր մոտ հայտնվել այդ գրությունը։

✅ Հարց 10․ ՀԲՃ-ի անդամները ձեզ փոխանցել են փաստեր եւ հաղորդումներ ինչպես անցած տարի, այնպես էլ 2019 թվականին։ Դրանք վերաբերում են նաեւ 2013-2016թթ հնարավոր կոռուպցիոն կամ հովանավորչական ուղիներով կառավարության որոշումներ ընդունելուն։ Ի՞նչ եք արել այդ փաստերի ստուգման ուղղությամբ, ինչպե՞ս տեղեկանանք դրանց արդյունքներին։

✅ Հարց 11․ Լիդիանին հողեր վաճառելու գործընթացում կոռուպցիոն գործարքների բացահայտումներն ավարտվելու են միայն Գնդեվազի նախկին գյուղապետո՞վ, թե պատրաստ եք այլ փաստեր էլ հայտնաբերել եւ ավելի բարձր պաշտոնյաներին ուսումնասիրել։

✅ Հարց 12․ Չե՞ք ուզում պարզել, թե ՀՀ կառավարության եւ Լիդիանի միջեւ եղած ի՞նչ խնդիրներ է հարթել 2013 թվականին ներկայիս ՀՀ նախագահ Արմեն Սարգսյանը՝ ով այն ժամանակ եղել է Լիդիանի տնօրենների խորհրդի անդամ, ոչ գործադիր տնօրեն»:

Տպել
Կարդացեք նաև
Ամբողջը
Արդյո՞ք Ամուլսարի պաշտպանների նկատմամբ կկիրառվի ոստիկանական ուժ. Նիկոլ Փաշինյանի պատասխանը
Եթե չենք ստուգել, չենք պարզել, ինչպե՞ս պատասխանեմ ձեր հարցին…
Արթուր Գրիգորյանը գնացել է եւ բերել մի ծիծաղելի փաստաթուղթ. Փաշինյանը՝ Ամուլսարի խնդրի մասին
Ի՞նչ երաշխիք, ես տեղեկա՞նք եմ բերել այդ ժամանակ, որ այդ երաշխիքը կարող եմ տալ…
Մենք ունենք ՀՀ դատարանի որոշում` ճանապարհները բացելու վերաբերյալ. Վարչապետը` Ամուլսարի մասին
Եթե որեւէ ակտիվիստ կարող է այդպես ասել, Կառավարությունը չի կարող…
Չեմ կարծում՝ հանուն ճշմարտության ծախսված որեւէ գումար կարելի է համարել վատնված.Փաշինյանը` «Էլարդի» փորձաքննության մասին
Արձանագրենք մի բան, որ սկսված առաջին օրվանից Կառավարությունը…
Համախմբել ուժերը հանուն Ամուլսարի եւ մասնակցել սեպտեմբերի 20-ի երթին. «Սասնա ծռերի» հայտարարությունը
Կոչ ենք անում մոբիլիզացնել բոլոր ռեսուրսները եւ ակտիվ կերպով մասնակցել երթին...
Փաշինյանին ոչինչ չի մնում, քան զորքը մտցնել Ամուլսար, ջարդել ցուցարարներին. Արթուր Ղազինյան
Ամուլսարը չի կարող սար մնալ, այն դատապարտված է վերածվել հանքի...