Ռուսաստանի Դաշնությունը եւ Հայաստանի Հանրապետությունը շարունակում են մնալ վստահելի ռազմավարական դաշնակիցներ։ Այս մասին ելույթ ունենալով դեսպանների եւ դիվանագիտական գերատեսչությունների ղեկավարների հավաքի ժամանակ ասաց արտաքին գործերի նախարար Զոհրաբ Մնացականյանը: Նրա խոսքով հայ եւ ռուս ժողովուրդներին միավորում է ընդհանուր պատմությունը, մշակութային և մարդկային սերտ կապերը։ Հայաստանի եւ Ռուսաստանի հետ համագործակցության դաշնակցային օրակարգը ծավալուն է։ Այն ներառում է ռազմաքաղաքական անվտանգության, էներգետիկ և ենթակառուցվածքների զարգացման, առևտրատնտեսական համագործակցության, կրթական և մշակութային փոխանակումների ծրագրեր և զարգանում է հասարակական կյանքի գրեթե բոլոր ուղղություններում։
Նախարարի խոսքով՝ Հայաստանը կարեւորում է ՀԱՊԿ-ի եւ ԵՏՄ շրջանակներում ընթացող ինտեգրացիոն գործընթացները եւ բոլոր անդամ երկրների հետ միասնական շահերի մշակումը եւ հետապնդումը։