ԱՄՆ-ն կարեւորագույն դեր է խաղացել մեր անկախության առաջին տարիներից ի վեր տարածաշրջանային խաղաղության պահպանման գործում: Այս մասին ելույթ ունենալով դեսպանների եւ դիվանագիտական գերատեսչությունների ղեկավարների հավաքի ժամանակ ասաց արտաքին գործերի նախարար Զոհրաբ Մնացականյանը:
Նախարարն ընդգծեց, որ պաշտոնական Երեւանը բարձր է գնահատում ԱՄՆ-ի տնտեսական եւ ֆինանսական աջակցությունը, որն էականորեն նպաստել է սոցիալ-տնտեսական իրավիճակի կայունացմանը:
«Վստահ ենք, որ ԱՄՆ-ի հետ ռազմավարական երկխոսության հարթակը համագործակցության օրակարգն ընդլայնելու եւ խորացնելու նոր հնարավորություններ է պարունակում», - ասաց ԱԳ նախարարը:
