Հայաստանն ինքնիշխան պետություն է, եւ առանց Հայաստանի շահերը հաշվի առնելու ՀԱՊԿ-ում չեն կարող որոշումներ ընդունվել: Այս մասին այսօր՝ սեպտեմբերի 10-ին, ՀՀ Ազգային ժողովի նիստի ժամանակ Հավաքական անվտանգության մասին պայմանագրում փոփոխություններ կատարելու մասին երկրորդ արձանագրության վավերացման հարցի քննարկման ընթացքում հայտարարեց «Իմ քայլը» դաշինքի պատգամավոր Ռուբեն Ռուբինյանը:
Նա նշեց, որ ՀԱՊԿ-ում գործընկեր երկրների եւ դիտորդ պետությունների կարգավիճակի ամրապնդումը Հայաստանին թույլ կտա Կազմակերպության աշխատանքներում ներգրավել այն երկրներին, որոնց ներկայությունը Կազմակերպությունում Հայաստանի կողմից դրական կգնահատվի:
«Սակայն Ադրբեջանը չի լինի ո՛չ գործընկեր, ո՛չ դիտորդ, քանի որ Հայաստանը չի ապահովի կոնսենսուսը: Ամեն ինչ ակնհայտ է»,- ընդգծեց Ռուբինյանը:
