News
Լրահոս
News
Չորեքշաբթի
Սեպտեմբեր 30
USD
487.62
EUR
570.03
RUB
6.14
ME-USD
0.01
Տեսնել լրահոսը

ԱՄՆ վարչակազմը նախատեսում է Նյու Յորքում, ՄԱԿ Գլխավոր վեհաժողովի ընթացքում միջազգային կոալիցիա ստեղծել՝ Իրանի դեմ միջոցներ ձեռնարկելու նպատակով, Սաուդյան Արաբիայի նավթային օբյեկտների վրա հարձակմանը մասնակցության առնչությամբ։ Այս մասին տեղեկացրել է The Wall Street Journal թերթը՝ հղում կատարելով նախագահ Դոնալդ Թրամփի աշխատակազմում ունեցած աղբյուրներին, տեղեկացնում է ՏԱՍՍ-ը։

Նրանց տվյալներով՝ Թրամփը դեմ է ԱՄՆ ռազմական ուժի ուղղակի կիրառմանը Թեհրանի դեմ եւ նախընտրում է դրա փոխարեն աջակցել Սաուդյան Արաբիային, եթե վերջինը որոշի որեւէ գործողություն իրականացնել Իրանի դեմ։ Միացյալ Նահանգների որոշ դաշնակիցներ թերահավատորեն են ընկալում ամերիկյան հետախուզության տվյալները, որոնք վկայակոչել է պետքարտուղար Մայք Պոմպեոն՝ ԻԻՀ իշխանություններին մեղադրելով գրոհներին հանցակցության մեջ։

Համաձայն հրապարակման՝ Իրանի դեմ Թրամփի վարչակազմի գործողությունների  առավել նախընտրելի տարբերակը հաջորդ շաբաթ Նյու Յորքում «ՄԱԿ-ի միջոցով լայն միջազգային պատասխանի համակարգումն է մնում»։ Ինչպես ավելացնում են թերթի աղբյուրները, այս ճանապարհը մասամբ պայմանավորված է նաեւ ամերիկյան տնտեսության վիճակով, որը կարող է ազդել Թրամփի վերընտրման հնարավորությունների վրա 2020 թվականին։ Միացյալ Նահանգները ներկա պահին կարող է լիովին ապահովել էներգակիրների իր պահանջմունքներն ի հաշիվ սեփական ռեսուրսների։ Բայց նավթի գների բարձրացումը Սաուդյան Արաբիայում գրոհներից հետո ռազմական հակամարտության դեպքում կվերածվի միտման, բացասաբար կազդի համաշխարհային եւ ամերիկյան տնտեսության վրա, գրում է թերթը։

Թրամփը,  չորեքշաբթի Սան Դիեգոյում շփվելով լրագրողների հետ, ասել է, որ ԱՄՆ-ը չի խոսում Իրանի հետ պատերազմի մասին։ Նա միեւնույն ժամանակ խոստացել է, որ Միացյալ Նահանգները «շատ զգալի» պատժամիջոցներ կմտցնի Թեհրանի հանդեպ հաջորդ 48 ժամվա ընթացքում։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պետդեպարտամենտը կարծում է, որ Իրանը առաջընթաց է գրանցել միջուկային զենք ստեղծելու գործում
«Ես կասեի, որ նրանք մի փոքր առաջընթաց են գրանցել»․․․
Թեհրանը խոստացել է Վաշինգտոնին «ջախջախիչ պատասխան» տալ
ԱՄՆ մոտեցումը լուրջ սպառնալիք է միջազգային խաղաղությանն ու անվտանգությանը եւ աննախադեպ սպառնալիք ՄԱԿ-ի եւ Անվտանգության խորհրդի համար․․․
Իրանն ԱԷՄԳ-ին հասանելիություն է տրամադրել միջուկային երկու օբյեկտների նկատմամբ
ԱՄՆ-ը պաշտոնապես ծանուցել է ՄԱԿ-ին՝ Իրանի հանդեպ բոլոր պատժամիջոցները վերականգնելու իր պահանջի մասին
Պետքարտուղար Մայք Պոմպեոն ծանուցումը ներկայացրել է ՄԱԿ Անվտանգության խորհրդի նախագահին․․․
Ռոհանին Իրանի դեմ զենքի էմբարգոյի հարցով ՄԱԿ-ում քվեարկության ձախողումը մեծ հաջողություն է անվանել
Նրա խոսքով՝ «այդ օրը կմնա իմպերիալիզմի դեմ Իրանի պայքարի պատմության մեջ»...
Իրանի ԱԳՆ. ԱՄՆ-ը պետք է դասեր քաղի Իրանի նկատմամբ զենքի էմբարգոյի հարցով քվեարկության ձախողումից
«ԱՄՆ-ը պետք է դաս քաղի եւ դադարի իրեն խայտառակել ՄԱԿ-ում...
Ամենաշատ