25 էքսկլյուզիվ ավտոմեքենաներից բաղկացած հավաքածուն, որ Շվեյցարիայի դատախազությունը, փողերի լվացման գործի շրջանակներում, բռնագրավել էր Հասարակածային Գվինեայի փոխնախագահ Թեոդորո Նգեմա Օբիանգից, Bonhams աճուրդում վաճառվել է 27 մլն շվեդական ֆրանկով։
Աճուրդի ամենաթանկ լոտը եղել է 2014թ․ Lamborghini Veneno Roadster-ը, որն իտալական ապրանքանիշի 50 ամյակի առթիվ արտադրվել է ընդամենը 9 օրինակով։ Այն հագեցած է 6,5 լիտրանոց V12 շարժիչով, որի հզորությունը 750 ձիաուժ է։ Անհայտ գնորդը սուպերմեքենայի համար 8,28 մլն շվեյցարական ֆրանկ է վճարել, գրում է Motor-ը՝ հղում կատարելով Reuters-ին։
Բացի Veneno Roadster-ից, աճուրդում վաճառվել են աֆրիկյան երկրի պաշտոնյայի նաեւ այլ ավտոմեքենաներ։ Այսպես, Aston Martin One-77-ը վաճառվել է 1,55 մլն շվեյցարական ֆրանկով, Koenigsegg One:1-ը՝ 4,6 մլն, Гиперкар Bugatti Veyron EB 16.4-ը՝ 1,311 մլն։ Աճուրդի տան ներկայացուցչի խոսքերով, մի քանի ավտոմեքենա գնել է ԱՄԷ-ից մի կոլեկցիոներ։
Թեոդորո Նգեմա Օբիանգ Մանգուի ավտոմեքենաները բռնագրավել են մի քանի տարի առաջ։ Հետաքննության դադարեցման պայմաններից մեկը եղել է ողջ հավաքածուի փոխանցումը Շվեյցարիայի իշխանություններին եւ դրա հետագա վաճառքը աճուրդում։ Ստացված միջոցները կուղղվեն սոցիալական ծրագրերին, որոնք իրականացնում են Հասարակածային Գվինեայում գործող հասարակական հիմնադրամները։