Հունաստանը Եվրամիությունից պահանջում է բարեփոխել Թուրքիայի հետ փախստականների վերաբերյալ համաձայնագիրը։ Այս մասին ասել է երկրի վարչապետ Կիրիակոս Միցոտակիսը՝ հանդես գալով երկրի խորհրդարանում, տեղեկացնում է DW-ն։
Ըստ Միցոտակիսի, Աթենքը պնդելու է փոխել Թուրքիա փախստականների վերադարձի կանոնները։
Ներկա պահին այնտեղ կարող են ուղարկվել միայն այն փախստականները, որոնք ապաստանի իրավունք չունեն եւ եկել են հունական կղզիներից մեկը։ Այժմ Հունաստանը պահանջելու է կանոնը տարածել ամբողջ մայրցամաքի վրա։ Վերջին ամիսներին Հունաստանում փախստականների ճամբարների բեռնվածությունը նորից կտրուկ աճել է։
Ավելի վաղ Թուրքիան ԵՄ-ին կոչ էր արել օգնել սիրիացի փախստականներին վերաբնակեցնել Սիրիայի հյուսիսի այսպես կոչված անվտանգության գոտում։ Անկարայում ասել են, որ այնտեղ ինքնակամ կարող են բնակվել մոտ երկու մլն սիրիացիներ։ Դրա համար անհրաժեշտ է կառուցել բնակարաններ, հիվանդանոցներ, դպրոցներ։
Անվտանգության գոտու ստեղծման համար Թուրքիային անհրաժեշտ կլինի Եվրամիության օգնությունը։ Իսկ եթե այդ օգնությունը չցուցաբերվի, նա սպառնացել է նորից ավելացնել փախստականների հոսքը Եվրոպա։ ԵՄ-ի եւ Թուրքիայի միջեւ համաձայնագիրը փախստականների վերաբերյալ կնքվել է 2016 թվականին, այն դարձել է բեկումնային ԵՄ-ում միգրացիոն ճգնաժամի հաղթահարման գործում։
