Հոկտեմբերի 4-ին արագածոտնի մարզի Կարբի համայնքի մոտ հայտնաբերված բոլոր 7 ձիերի տերերը հայտնաբերվել են: Այս մասին NEWS.am-ին հայտնեց Կենտավր» կենդանիների օգնությամբ թերապիայի կենտրոնի նախագահ Հասմիկ Հովհաննիսյանը:
Նա նշեց, որ միեւնույն ձիու համար նույնիսկ մի քանի քաղաքացիներ են դիմել. «Պարզվեց, որ մեկ տարի առաջ Էջմիածնից գողացված, այնուհետեւ վաճառված ձիու տերերն էին եկել, մեկը պնդում էր, որ իր ձին գողացել են, մեկն էլ ասում էր, որ գումար է տվել, ձիուն գնել է: Հիմա այդ հարցով իրավապահներն են զբաղվում, բայց ձին իր սկզբնական տիրոջ մոտ գնաց»:
Հասմիկ Հովհաննիսյանի խոսքով` ձիերը վախեցել եւ փախել են Արագած լեռան ստորոտից, ընդհանուր առմամբ 14-ն են եղել, սակայն գտնվել է 7-ը, մնացած 7-իբ ճակատագիրը հայտնի չէ:
Ավելի վաղ հայտնել էինք, որ հոկտեմբերի 4-ին ժամը 17:00-ի մոտ Արագածոտնի մարզում Կարբի գյուղի մոտ 7 մոլորված ձիեր են նկատվել: Նրանց տեղափոխել են Աշտարակի սննդի անվտանգության տեսչության տարածք: