«Մեղրի» Ազատ տնտեսական գոտու շուրջ առաջացած խնդիրները հետեւողական որոշումներ են պահանջում: Հոկտեմբերի 8-ին այս մասին ԱԺ Տարածաշրջանային եւ եվրասիական ինտեգրման մշտական հանձնաժողովի նիստում «Մեղրի» Ազատ տնտեսական գոտու շուրջ ստեղծված իրավիճակի քննարկման ժամանակ ասաց հանձնաժողովի նախագահ, «Բարգավաճ Հայաստան» կուսակցության պատգամավոր Միայել Մելքումյանը։
Նրա խոսքով՝ եթե Հայաստանում ցանկանում են Իրանի հետ տնտեսական հարաբերություններն ակտիվորեն զարգացնել, ապա Մեղրիում ԱՏԳ առկայությունը կարեւոր նշանակություն է ունենալու: «Ապօրինի մրցույթ անցկացրած համայնքի ոչ մի ղեկավար եւ ընդհանրապես ոչ մի հարց չի կարող խանգարել մեր գործին»,- նշեց պատգամավորը՝ հավելելով, որ 3 ամսից իրենք կրկին պետք է հավաքվեն եւ հասկանան՝ այս հարցում որեւիցե առաջընթաց կա՞:
