Այս ամսվա վերջին ՀԴՄ սարքերի առաջին խմբաքանակը, շուրջ 2 հազար հատ, կլինի: Այս մասին, այսօր՝ հոկտեմբերի 16-ին, լրագրողների հետ հանդիպման ժամանակ նշեց ՊԵԿ նախագահ Դավիթ Անանյանը:
Նա խոստովանեց, որ նախատեսվում էր սեպտեմբերին ունենալ ՀԴՄ սարքերի անհրաժեշտ քանակությունը, սակայն այս պահին դա դեռ չկա. «Շուկայում պլանավորումը պետք է անեին այն ընկերությունները, որոնք մտադիր են այդտեղ գործունեություն ծավալել: Երբ ազատականացվեց շուկան, եւ տնտեսվարողները կարող էին արդեն իրականացնել ՀԴՄ սարքերի ներկրումները, մենք այդ ժամանակ ունեինք 13,9 հազար հատ ՀԴՄ սարքի մնացորդ: Մենք կարծում էինք, որ դա կբավականացնի մինչեւ ազատականացման վերջին փուլը: Շուրջ 5 սուբյեկտ կա, որոնք հույս ունենք, որ իրենց խոստումը կկատարեն, բիզնես մտադրությունները կիրգործեն: իսկ ընդհանրապես, այդ ընկերությունների թիվը 14 է»,-ասաց ՊԵԿ նախագահը: