News
Լրահոս
News
Երեքշաբթի
Նոյեմբեր 12
USD
477.22
EUR
526.33
RUB
7.47
ME-USD
0.05
Տեսնել լրահոսը

«Թավշյա հեղափոխության» արդյունքում իշխանության եկած Նիկոլ Փաշինյանի կառավարությունը Հայաստանի նորանկախ պատմության մեջ լավագույն հնարավորությունն ունի իրական ժողովրդավարություն բերելու, Միացյալ Նահանգների Կոնգրեսում Հելսինկյան հանձնաժողովի կողմից երեքշաբթի կազմակերպված լսումների ընթացքում հայտարարել է Գերմանական Մարշալի Հիմնադրամի վերլուծաբան Ջոնաթան Կացը, հաղորդում է «Ամերիկայի ձայնը»:

«Հայաստանին անհրաժեշտ է օգնել հաջողություն արձանագրել եւ դա միայն հայերի համար չէ կարեւոր: Հայաստանի հաջողությունն անչափ կարեւոր է ԱՄՆ-ի եւ Եվրամիության համար, որպես օրինակ Եվրասիայում եւ գլոբալ առումով, որ ժողովրդավարության հաղթանակը հնարավոր է»,-ասել է նա:

Կոնգրեսական Ջեքի Կանչելյան-Սփիրը, ով օրերս էր վերադարձել Հայաստան եւ Լեռնային Ղարաբաղ կատարած այցից, նշեց. Հայաստանի «Թավշյա հեղափոխությունը» կրկին անգամ բոլոր երկրներին ժողովրդավարություն հաստատելու հույս տվեց: Միեւնույն ժամանակ, կոնգրեսականը համոզված է, հեղափոխության արդյունքում բացված հնարավորությունը եզակի է եւ անհրաժեշտ է արագ բարեփոխումներ իրականացնել: Միացյալ Նահանգները նույնպես պետք է Հայաստանին ակտիվ աջակցություն ցուցաբերի, համոզված է Կանչելյան-Սփիրը.

«Մենք պետք է շարունակենք աջակցել Հայաստանի առաջընթացին, օգնել կառավարությանը եւ հայ խորհրդարանականներին»:

Միացյալ Նահանգների Կոնգրեսում Հայաստանի խորհրդարանականներին աջակցության լայն ծրագրեր ունեն, լսումների ընթացքում նշեց Կոնգրեսի հայ-ամերիկյան բարեկամության խմբի համանախագահ կոնգրեսական Ֆրանք Փալոնը.

«Հույս ունեմ, որ թե Հելսինկյան կոմիտեի եւ թե մեր խմբի ջանքերով հնարավոր կլինի Հայաստանին աջակցություն ցուցաբերել, զարգացնել արդեն իսկ արձանագրված հայ-ամերիկյան ռազմավարական երկխոսությունը եւ խթանել ժողովրդավարության ամրապնդումը»:

Լսումներին հրավիրված «Իմ քայլը» խմբակցության պատգամավոր Համազասպ Դանիելյանի խոսքով, Հայաստանի իշխանությունները պատրանք չունեն եւ գիտակցում են երկրի զարգացման ճանապարհի բոլոր դժվարությունները.

«Սակայն, մենք գիտակցում ենք նաեւ, որ մեր սերնդի համար սա վերջին հնարավորությունն է իրականացնել Հայաստանում ամուր ժողովրդավարություն կառուցելու կարեւորագույն առաջադրանքը»:

Դանիելյանի խոսքով, միայն ժողովրդավար Հայաստանը կարող է դիմակայել երկրի առջեւ եղած մարտահրավերներին:

Հայաստանի վարչապետի նախկին խորհրդական, «Ալիք Մեդիա»-ի հիմնադիր Արսեն Խառատյանը հիշատակելով անկախացումից ի վեր Հայաստանին հատկացվող ամերիկյան օգնությունը նշեց.

«Կասկած չկա, հեղափոխությունն իրականացվել էր բացառապես Հայաստանի ներքին ուժերով, սակայն, այն հնարավոր չէր լինի առանց հսկայական աջակցության, որը Հայաստանի քաղհասարակությանը տրամադրում էր բոլոր տարիների ընթացքում նաեւ Միացյալ Նահանգները»:

Խոսելով «Թավշյա հեղափոխության» առջեւ առկա ներքին խոչընդոտների մասին, «Իրազեկ Քաղաքացիներ» միավորման ծրագրերի համակարգող Դանիել Իոաննիսյանը նշեց նախկին իշխանություններին.

«Նախկին կոռումպացված իշխանության ներկայացուցիչներն ամեն կերպ փորձում են կանգնեցնել ժողովրդավարական վերափոխումները: Այս խմբերը շարունակում են հսկա ֆինանսական ռեսուրսների տիրապետել, նրանք շատ արդյունավետ են գործում առցանց եւ լրատվական ոլորտներում եւ վայելում են Ռուսաստանի աջակցությունը: Այս կապակցությամբ, արդյունավետ կլիներ սառեցնել ԱՄՆ-ում եւ ամենուրեք այն անձանց սեփականությունը, որոնք դատապարտվել են Հայաստանում իրավախախտումներ գործելու համար»:

Ժողովրդավարության ազգային հիմնադրամի գլխավոր տնօրեն Միրիամ Լանսկոյն իր կողմից նշեց, որ Հայաստանում անհրաժեշտ է օգնել բարձրացնել խորհրդարանի դերը՝ նորընտիր խորհրդարանականները երիտասարդ եւ կիրթ մարդիկ են, ում ձեռքում է երկրի ապագան: Հայաստանի ձեռքբերումների թվում Լանսկոյը նշեց նաեւ նախկին նախագահ Ռոբերտ Քոչարյանի դատական գործընթացը.

«Հայաստանն իր նախկին նախագահին դատարանի առաջ է կանգնեցրել, դա հսկայական ձեռքբերում է: Դեռեւս ոչ մի հետխորհրդային երկրում նախագահ չի դատվել: Քոչարյանը Պուտինի ընկերն է եւ ոչ ոք չէր սպասում, որ Հայաստանը կարող է դա անել»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ես արժեւորում եմ մեր հարաբերությունները». Ազատ Դեմոկրատները հանդիպել են ԱՄՆ դեսպան Լին Թրեյսիին
Հանդիպման ընթացքում քննարկվել են ներքին եւ արտաքին քաղաքական առաջնահերթություններ ներկայացնող հարցեր՝ մասնավորապես ղարաբաղյան...
«Ժամանակ». Հայաստանի նախաձեռնությանը լուրջ քարտ-բլանշ է ստացել ԱՄՆ-ից. դա «որոշել է» Թուրքիան
Իրադարձություններն ու հանգամանքները դասավորվել են այնպես, որ այդ ամենը որոշակիորեն հատվում է...
«168 ժամ». Ինչո՞ւ է ԱՄՆ դեսպանը հանդիպել Սերժ Սարգսյանին
Փաստն այն է, որ ԱՄՆ-ը այսպիսով ՀՀԿ-ին դիտարկում է՝ որպես քաղաքական կյանքի որոշիչ...
«Ժողովուրդ». Համանախագահողները՝ մեր խաղաղության մասին․ ինչ է փոխվել ԱՄՆ-ում հայտնի բանաձեւի ընդունումից հետո
Ինչպե՞ս է գնահատում ԵԱՀԿ Մինսկի խմբի համանախագահող ԱՄՆ-ն Ադրբեջանի այս սադրիչ կեցվածքը...
Հայ դատի հանձնախումբը ողջունում է ԱՄՆ դեսպանության հայտարարությունը ՀՀ-ին 60 մլն դոլար օգնության մասին
Ամերիկայի Հայ դատի հանձնախումբը ողջունել է ԱՄՆ դեսպանության հայտարարությունը...
«Ժամանակ». Փաշինյանի հետ հանդիպմանը ոչ մի խոսք չի եղել ԱՄՆ-ի հետ հարաբերությունները «փչացնող» թեմաներին
Հայաստանի հետ որակական աճի արձանագրում ԱՄՆ կառավարության կողմից…