Lonely Planet տուրիստական պորտալը կազմել է այն երկրների վարկանիշը, որտեղ արժե այցելել 2020 թվականին, փոխանցում է «ՌԻԱ Նովոստի»-ն:
Առաջին տեղում է հայտնվել Բութանի թագավորությունը: «Հիմալայան դրախտի այս փոքրիկ հատվածը այցելուներին հնարավորություն կտա զբոսնելու աղբով չաղտոտված լեռնային արահետներով՝ մարդկանց ընկերակցությամբ, որոնց բուդդայական հավատը թույլ է տալիս շրջակա միջավայրի հետ ներդաշնակության մեջ լինել»,- նշված է հետազոտության մեջ:
Վարկանիշում երկրորդ տեղը զբաղեցրել է Անգլիան, որտեղ, ինչպես նշում են Lonely Planet-ի փորձագետները, կարելի է վայելել առափնյա հոյակապ տեսարանները:
Ցուցակում երրորդն է Հյուսիսային Մակեդոնիան, որը հանրահայտ է իր խոհանոցով, հնագույն ավանդույթներով եւ բնությամբ, նշված է հետազոտության մեջ:
Նշված երկրներից բացի, վարկանիշային ցուցակի մեջ են մտել Կարիբյան ծովի հարավում Արուբա պետությունը, Աֆրիկայի հարավում Էսվատինի թագավորությունը (նախկին Սվազիլենդ), Կոստա Ռիկան, Նիդեռլանդները, Լիբերիան, Մարոկկոն եւ Ուրուգվայը: