Եվրասիական տնտեսական միությունը (ԵԱՏՄ) ստորագրել է համաձայնագիր ազատ առեւտրի մասին Սերբիայի հետ, հաղորդում է ՌԻԱ Նովոստի-ն:
Փաստաթուղթը ստորագրել են Եվրասիական տնտեսական հանձնաժողովի (ԵՏՀ) կոլեգիայի նախագահ Տիգրան Սարգսյանը, ԵԱՏՄ երկրների վարչապետները, ինչպես նաեւ Սերբիայի վարչապետ Անա Բրնաբիչը:
Ստորագրման արարողության մասին նյութերում նշվում է, որ առեւտրային համաձայնագիրը ոչ միայն լիովին համաձայնեցնում է Սերբիայի հետ Բելառուսի, Ղազախստանի եւ Ռուսաստանի առեւտրի պայմանները, քանի որ այդ երկրի հետ արդեն կան ազատ առեւտրի մասին երկկողմանի համաձայնագրեր, սակայն նաեւ ստեղծում է համանման ռեժիմ հայկական եւ ղրղզական ապրանքների համար, որոնց համար առավելությունները սերբական շուկայում նախկինում բացակայում էին:
«Սերբիան արդեն ունի առեւտրային համաձայնագրեր Ռուսաստանի, Ղազախստանի եւ Բելառուսի հետ: Այժմ միանում են Հայաստանն ու Ղրղզստանը: Մենք իրականացնում ենք կարեւոր գործառույթ՝ միավորում ենք արտոնյալ առեւտրային ռեժիմը Միության անդամ բոլոր երկրների համար: Այդ համաձայնագիրը նոր իմպուլս կհաղորդի Սերբիայի հետ առեւտրային եւ տնտեսական փոխգործակցությունն ընդլայնելու համար»,-պարզաբանել է Սարգսյանը:
Նշվում է, որ բանակցությունների ընթացքում հաջողվել է զգալիորեն թարմացնել համաձայնագրի ռեգուլյատոր մասը, որում ներառվել են ամենաժամանակակից իրավական նովելները, հատկապես պաշտպանական միջոցների կիրառումը, վեճերի լուծումը եւ ապրանքների ծագման շուրջ կանոնները:
«Ձեռքբերված համաձայնագրերը նախ սկզբունքորեն նոր շուկա են բացում Հայաստանի եւ Ղրղզստանի ապրանքների համար արտահանվող ապրանքների մեծամասնության դեպքում առանց մաքսերի, եւ, այնուհետեւ, ստեղծում են արտահանման նոր հնարավորություններ Բելառուսից, Ղազախստանից եւ Ռուսաստանից արտադրողների համար»,-հավելել է ԵՏՀ առեւտրի նախարար Վերոնիկա Նիլիշինան:
Բացի այդ, համաձայնագրերը պարունակում են տնտեսական շահեր ԵԱՏՄ երկրների եւ Սերբիայի համար ինչպես կարճաժամկետ, այնպես էլ միջնաժամկետ հեռանկարում արտահանման հնարավորությունների իրացման կապակցությամբ ազատ առեւտրի ռեժիմի ծավալների ընդլայնման պայմաններում:
«Միության յուրաքանչյուր երկիր շահույթ կունենա նոր հնարավորությունների ի հայտ գալու դեպքում Սերբիայում արտահանման ծավալները մեծացնելու համար: Հայաստանի համար այդ պոտենցիալը ենթադրում է ավանդական ապրանքների արտահանման դեպքում՝ ոգելից թունդ խմիչքներ եւ ծխախոտ, գյուղատնտեսական ապրանքներ եւ սննդամթերք, օրինակ, լոբի, ընդեղեն եւ մեղր: Բելառուսի համար մենք հեռանկար ենք տեսնում օղու, մրգային եւ դառը ըմպելիքների, ինչպես նաեւ բալզամների ու լիկյորների արտահանման մեջ: Ղազախական ընկերությունները հնարավորություն ունեն մեծացնել Սերբիայում հալած պանիրների եւ թունդ ալկոհոլային խմիչքների վաճառքի ծավալները, իսկ ռուսական ընկերությունները՝ տան համար տնտեսական բազմազան ապրանքները վաճառելու առումով»,-Նիկիշինան մեկնաբանել է սերբական գործընկերների հետ սակագների շուրջ համաձայնագրերը:
Նշվում է, որ այդ համաձայնգրերը ենթադրում են լիցենզավորման ընթացակարգերի կիրառման միջազգային չափորոշիչների պահպանման մի շարք պարտավորություններ, արգելքներ եւ քանակական սահմանափակումներ, տեխնիկական կարգավորման եւ սանիտարական ու ֆիտոսանիտարական միջոցառումներ, փոխհատուցման եւ հատուկ պաշտպանական միջոցառումներ, մտավոր սեփականության իրավունքի պաշտպանություն: