Արա Հակոբյանն 92 ձայնով այսօր` նոյեմբերի 2-ին, «Ազգային օրակարգ» կուսակցության հիմնադիր համագումարին ընտրվեց «Ազգային օրակարգ» կուսակցության խորհրդի նախագահ:
«Ես շնորհակալ եմ վստահության համար, ընկալում եմ եւ հասկանում եմ պատասխանատվությունը լինելու այս կուսակցության խորհիդի նախագահ: Կարծում եմ` մենք պետք է ավելի հստակ դիրքորոշումներով պետք է հանդես գանք քաղաքական դաշտում` արդեն որպես կուսակցություն»,-ասաց նա:
Նա հույս հայտնեց, որ մոտակա օրերին կհավաքվեն եւ կծրագրեն հետագա մեկ տարվա անելիքները:
Նշենք, որ «Ազգային օրակարգ» կուսակցության համահիմնադիրներից է քաղաքագետ Ավետիք Չալաբյանը, ով պարբերաբար հանդես է գալիս հայտարարություններով:
