News
Լրահոս
News
Չորեքշաբթի
Նոյեմբեր 20
USD
476.98
EUR
527.68
RUB
7.46
ME-USD
0.06
Տեսնել լրահոսը

ՀՀ քննչական կոմիտեի Արմավիրի մարզային քննչական վարչությունում ավարտվել է Արմավիրի սոցիալական աջակցության տարածքային գործակալության աշխատակիցների կողմից ապօրինի վարձատրություն ստանալու դեպքի առթիվ հարուցված քրեական գործի նախաքննությունը: Մեղադրանք է առաջադրվել գործակալության գլխավոր եւ առաջատար մասնագետներին:

2018թ. հուլիսին Արմավիրի մարզի բնակիչներից հարղորդումներ են ստացվել՝ Արմավիրի սոցիալական աջակցության տարածքային գործակալության աշխատակիցների կողմից գումարներ պահանջելու վերաբերյալ:

Հաշվի առնելով, որ նախապատրաստված նյութերում առկա են քրեական գործ հարուցելու օրինական հիմք եւ առիթ՝ Արմավիրի դատախազությունում հարուցվել է քրեական գործ՝ ՀՀ քրեական օրենսգրքի 311-րդ հոդվածի 1-ին մասով, որը նախաքննություն կատարելու համար ուղարկվել է ՀՀ ՔԿ Արմավիրի մարզային քննչական վարչություն եւ ընդունվել վարույթ:

Մինչադատկան վարություն իրականացված քննչական գործողությունների արդյունքում պարզվել են պաշտոնատար անձ չհանդիսացող հանրային ծառայողների կողմից կատարված չարաշահումների մի շարք հանգամանքներ:

Քննությամբ ձեռք բերված տվյալների համաձայն՝ Արմավիրի մարզպետարանի աշխատակազմի Արմավիրի սոցիալական աջակցության գլխավոր եւ առաջատար մասնագետները, լիազորված լինելով իրենց սպասարկման տարածքում բնակչությանը տրամադրել օրենքով նախատեսված սոցիալական ծառայություններ, «Հանրային ծառայության մասին» ՀՀ օրենքի հիմքով հանդիսանալով պաշտոնատար անձ չհանդիսացող հանրային ծառայող, իրենց գործունեության ընթացքում, ապօրինի վարձատրություն ստանալու դիտավորությամբ, սոցիալական անապահովության նպաստից օգտվող անձանց ու նրանց ընտանիքի անդամների օգտին գործողություններ կատարելու, ինչպես նաեւ՝ այդպիսի գործողություներ չկատարելու համար,  սոցիալական նպաստ ստանալու համար գործակալություն դիմած քաղաքացիներից պահանջել եւ ստացել են գումարներ:

Մասնավորապես՝ քաղաքացիների ընտանիքի կազմի մասին ներկայացված դիմում-հայտարարագրում նշված տվյալների հավաստիության վերաբերյալ ընտանեկան նպաստ նշանակելու առաջարկություն կատարելու, այդ կապակցությամբ դրական եզրակացություն տալու, ծրագրային մեթոդով ընտանիքի անապահովության միավորը որոշելու, նպաստի նշանակման մասին կարգադրությունը գործակալության պետի հաստատմանը ներկայացնելու, նպաստառուների ցուցակում ընդգրկելու, ապա հաջորդող տարիների ընթացքում նպաստի վճարումը չդադարեցնելու, անձնական գործերի ամենամյա վերանայման ընթացքում ծագած խնդիրներն անտեսելով նպաստների տրամադրման գործընթացն առանց խոչընդոտների իրականացնելու դիմաց 2013 թվականից մինչեւ 2018 թվականն ընկած ժամանակահատվածում նրանցից պահանջել եւ ստացել են ապօրինի վարձատրություն:

Ինչ վերաբերում է պաշտոնատար անձ չհանդիսացող հանրային ծառայողներին ապօրինի վարձատրություն տված անձանց, ապա նրանցից 6-ի նկատմամբ սկսված քրեական հետապնդումը նախաքննության ընթացքում դադարեցվել է՝ ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետով՝ համաներման մասին օրենքի ընդունման հիմքով, եւս մեկ անձի նկատմամբ քրեական հետապնդում չի իրականացվել՝ հանցակազմի բացակայության հիմքով:

Ձեռք բերված բավարար ապացույցների համակցությամբ՝ սոցիալական աջակցության տարածքային գործակալության գլախվոր մասնագետին մեղադրանք է առաջադրվել ՀՀ քրեական օրենսգրքի 311-րդ հոդվածի 1-ին մասով (4 դրվագ), իսկ առաջատար մասնագետին՝ 311-րդ հոդվածի 1-ին մասով (3 դրվագ):  

Հայտարարվել է նախաքննության ավարտի մասին, եւ քրեական գործը՝ մեղադրական եզրակացությամբ, ուղարկվել է դատարան:

Տպել
Կարդացեք նաև
Ամբողջը
Քրեական ենթամշակույթի դեմ պայքարը վաղուց էր պետք սկսել, բայց պետք է զգույշ լինել. Ցոլակյան
Մեխանիզմների մասին մասնագետները թող ասեն: Ես իմ պատկերացումներն ունեմ, բայց հիմա չեմ կարող նշել...
Նրանց կարելի է. «Իմ քայլի» պատգամավորը՝ «քրեական հեղինակության» օգտին միջնորդության մասին
Ոչ հեռավոր անցյալում մեր գործընկեր Սիսակ Գաբրիելյանը հանդես եկավ կալանքի տակ գտնվող Արսեն Բաբայանի խափանման միջոցի վերանայման մասին միջնորդությամբ, սակայն դա չի նշանակում, որ ...
ՀՀ-ում քրեական ենթամշակույթի քրեականացման մասին օրինագիծը խոցելի է բոլոր իմաստներով. ԲՀԿ
Քրեական ենթամշակույթի քրեականացման օրինագիծն անհանգստացրել է ԲՀԿ-ին...
Քրեական ենթամշակույթի հարցում «Լուսավոր Հայաստանը» անհասկանալի վարքագիծ է դրսեւորում. «Իմ քայլը»
Եթե առաջարկները չընդունվեին, ապա այդ դեպքում նրանք կարող էին նաեւ «դեմ» քվեարկել…
Տեղի է ունեցել ՀՀ քրեական դատավարության նոր օրենսգրքի նախագծի աշխատանքային քննարկում
Փոխնախարարն ընդգծել է նաեւ, որ Օրենսգրքի նախագիծը գտնվում է որոշիչ փուլում, քանի որ տասնամյակ տեւած աշխատանքի արդյունքը մոտ է Ազգային Ժողով ներկայացվելու եւ օրենքի ուժ ստանալու հանգրվանին...
Քրեական ենթամշակույթը քրեականացնելու մասին օրինագծում մի շարք դրույթներ չափազանց ընդհանրացված են. պատգամավոր
Նրա խոսքով՝ տվյալ օրենսդրական նախաձեռնությունը որեւէ խնդիր չի լուծում...