News
Լրահոս
News
Երկուշաբթի
Դեկտեմբեր 09
USD
478.03
EUR
530.47
RUB
7.5
ME-USD
0.05
Տեսնել լրահոսը

Հայաստանում ներդրված է կեղծված արտադրանքի դեմ պայքարի շատ ուժեղ համակարգ, ինչի արդյունքում երկիրը ԵՏՄ-ում ամենաարդյունավետներից է այս համատեքստում։ Այս մասին լրագրողների հետ զրույցում նոյեմբերի 12-ին ասաց  Եվրասիական տնտեսական հանձնաժողովի ներքին շուկաների, տեղեկայնացման, տեղեկատվա-հաղորդակցային տեխնոլոգիաների նախարար Կարինե Մինասյանը։

Նա ավելացրեց, որ Հայաստանում մակնշավորման տակ է գտնվում ավելի քան 250 ապրանք, եւ վերահսկողությունը շատ բարձր է, իսկ նոր համակարգի ներդրումից հետո կեղծված արտադրանքի բաժինը երկրում նվազել է 30-40 տոկոսով։ «Կեղծված արտադրանքը հիմնականում բաժին է ընկնում թեթեւ արդյունաբերության ճյուղին»,- ասել է նախարարը։

Նա ընդգծել է, որ հանձնաժողովում քննարկվում է երկու առավել լուրջ մեխանիզմ՝ հետեւման եւ մակնշավորման, եւ դրա հետ կապված՝ կարեւոր է ստեղծել միասնական համակարգ, որը թույլ կտա բիզնեսին առանց հավելյալ խոչընդոտների թափանցել շուկաներ։

Մինասյանի խոսքով՝ Հաաստանում էլեկտրոնային միջազգային առեւտուրն ավելի արագ է զարգանում, եւ երեք տարվա ընթացքում միջազգային առաքումներն ավելացել են 10 անգամ։ Այսօր սպառողը պաշտպանված չէ կեղծված արտադրանքից, որը գալիս է խոշոր միջազգային պլատֆորմներից, եւ հաճախ հասնում է այնտեղ, որ պատվիրատուն ստանում է այլ ապրանք կամ այլ որակի ապրանք։ «Կարեւոր է  ստեղծել այնպիսի համակարգ, որպեսզի նման խոշոր պլատֆորմների հետ, ինչպիսին են «Ալիբաբան», «Ամազոնը», հարաբերությունները կառուցվեն միության մակարդակով»,- ամփոփել է նա։

Հիշեցնենք, որ նոյեմբերի 12-13-ին Երեւանում տեղի է ունենում «Հակակեղծում 2019» 7-րդ համաժողովը՝ նվիրված արդյունաբերական արտադրանքի ապօրինի շրջանառությանը հակազդելու խնդիրներին, այդ թվում մտավոր սեփականության իրավունքների պաշտպանությանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
700 անուն ապրաքատեսակներ կթանկանան. տնտեսագետ
Հատկապես խոցելի խավի համար, որը գերազանցում է մեկ միլիոնը, էդ բոլորի…
Ռուսաստանն առաջարկում է «Մերկուրի» համակարգը տարածել ԵՏՄ-ում
ՌԴ-ն առաջարկում է «Մերկուրի» էլեկտրոնային համակարգը տարածել ԵՏՄ-ում...
ՀՀ ԱԺ-ը քննարկեց ԵՏՄ պայմանագրի նախագիծը երրորդ երկրների հետ հարաբերությունների վերաբերյալ
ԵՏՄ-ն իրավունք ունի համաձայնագրեր կնքել տարբեր պետությունների հետ...
Անդրկուլիսյան գործընթացների արդյունքում Ադրբեջանը կարող է հայտնվել ՀԱՊԿ-ում եւ ԵՏՄ-ում. ռուս փորձագետ
Ադրբեջանի համար ՀԱՊԿ եւ ԵՏՄ դռները փակ չեն...
Պուտինը հաստատել է ապրանքների հսկման մասին ԵՏՄ համաձայնագրի վավերացումը
ՌԴ նախագահը հաստատել է համաձայնագրի վավերացումը...
Լուկաշենկոն առաջարկել է Միխայիլ Մյասնիկովիչի թեկնածությունը ԵՏՀ նախագահի պաշտոնում
Բելառուսի նախագահը հանդիպել է հանրապետության Խորհրդի նախագահ Միխայիլ Մյասնիկովիչի հետ...