News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.02
Տեսնել լրահոսը


Երեւանում շարունակվում է Հայաստանի երկրորդ նախագահ Ռոբերտ Քոչարյանի եւ մյուսների գործով դատական նիստը։

Նախորդ նիստում նախկին նախագահի փաստաբանները միջնորդություն էին ներկայացրել դատախազ Պետրոս Պետրոսյանի բացարկի մասին։ Փաստաբան Հովհաննես Խուդոյանի խոսքով՝ քննության ընթացքում թույլ են տրվել բազմաթիվ խախտումներ՝ առերեսում Արշակ Կարապետյանի հետ Քոչարյանի բացակայությամբ, խափանման միջոցի բացակայության պայմաններում քննիչը չի կատարել պարտավորությունները եւ չի վերադարձրել անձնագիրը, ինչպես նաեւ մերժել է այդ մասին միջնորդությունը, քննիչը, չնայած դատավոր Ազարյանի որոշմանը Քոչարյանին ազատելու մասին՝ անձնական երաշխավորությամբ, պահանջել է չբացակայելու ստորագրություն, կալանքի տակ է դրված գույքը, առգրավվել է գույքը, որը կապ չունի գործի հետ, եւ իրերը մինչեւ այժմ չեն վերադարձվել, գործի նյութերը վերցվել են միակողմանի, եւ դատարան չեն ներկայացվել տվյալներ, որոնք հերքում են մեղադրող կողմի քննիչների ցուցմունքները, կամավոր ձեւով անհասկանալի տրամաբանությամբ առանձնացվել է Ռոբերտ Քոչարյանին վերաբերող մասը։

«Մենք կարծում ենք, որ մեղադրանքի կողմը հատուկ թաքցնում է նյութերը, որոնք կարող են վնասել մեղադրանքին»,- ասել է փաստաբանը՝ ավելացնելով, որ բոլոր նյութերը տրամադրելու միջնորդությունը քննիչը մերժել է։ Չնայած այս խախտումներին՝ դատախազը հավաստել է մեղադրական եզրակացությունը։ Փաստաբան Հայկ Ալումյանն ավելացրել է, որ ընթացիկ տարվա մայիսի 18-ին դատարանը՝ դատավոր Դավիթ Գրիգորյանի նախագահությամբ, ընդունել է ազատման որոշում։

«Երկու օր անց, վարչապետի կոչով, փակվեցին դատարանները։ Դրանց մասնակցեցին մի շարք բարձրաստիճան անձինք, այդ թվում պատգամավորներ։ Դա ոչ այլ ինչ է, եթե ոչ հանցագործություն՝ նախատեսված ՔՕ-ով։ Համաձայն ՔՕ-ի՝ դատախազը պարտավոր է քրեական գործ հարուցել։ Այս դեպքում նման պարտավորություն կրում է այդ թվում եւ դատախազ Պետրոսյանը, քանի որ իրականացնում էր այս գործի վերահսկողությունը»,- նշել է փաստաբանը՝ ընդգծելով, որ տեղի ունեցողը կապված էր հենց Քոչարյանի գործի ու դատարաններն ահի մեջ պահելու ձգտման հետ։ Փաստաբանը հիշեցրեց, որ դատախազը պարտավոր էր քրեական գործ հարուցել, ինչը չի արել։ «Միտումնավոր անգործություն ցուցաբերելով՝ դատախազը դիտավորյալ նպաստել է դատարանների վրա ճնշմանը, որպեսզի նրանք այլեւս չկարողանան ազատման վճիռ կայացնել»,- նշել է փաստաբանը։

Աշխատանքային օրվա ավարտի հետ կապված՝ դատարանը չհասցրեց խոսք տալ բոլոր կողմերին։ Այսօր դատարանը կշարունակի քննարկել դատախազի բացարկի հարցը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Շարունակվում է Ռոբերտ Քոչարյանի գրքի գովազդն արգելելու վերաբերյալ դատական նիստը
Նախորդ դատական նիստին դատարանի որոշմամբ պատասխանող կողմ հանդիսացող Կենտրոն վարչական շրջանը փոխվեց եւ պատասխանող կողմը դարձավ…
Աննա Դանիբեկյանի մասնագիտական կարողությունները բավարար չեն խորը և ծավալուն գործ քննելու համար. «Իմ Ձայնը» նախագիծ
Հերթական չլուծված, հետաձգած միջնորդությունը վերաբերում էր Ռոբերտ Քոչարյանի և Արմեն Գևորգյանի գույքի և բանկային հաշիվների վրա դրված կալանքը վերացնելուն...
Քոչարյանի փաստաբանը միջնորդեց վկայի կարգավիճակով իրավահաջորդների եւ տուժողների հարցաքննության մասին
Հաջորդ նիստը կկայանա օգոստոսի 11-ին ժամը 13:00-ին...
ՀԱՊԿ նախկին գլխավոր քարտուղարի փաստաբանը պահանջում է վերականգնել իր պաշտպանյալի իրավունքները
ՀԱՊԿ նախկին գլխավոր քարտուղար Յուրի Խաչատուրովի փաստաբան Միհրան Պողոսյանը միջնորդություն է ներկայացրել, որպեսզի գործի նյութերը տրամադրվեն նրա համար հասանելի լեզվով...
Ռոբերտ Քոչարյանի փաստաբանը գույքի կալանքի չեղարկման հետ կապված նոր միջնորդություն է ներկայացրել
Դատավորի հարցին, թե որն է նիստի հետաձգման պատճառը, փաստաբանը պատասխանեց, որ քննարկվող հարցը ենթադրում է սեփականության իրավունք, եւ մինչ այդ հարցը լուծելը այլ միջնորդություններ քննարկելը կազդի աշխատանքի արդյունավետության վրա...
Դատարանն ուժի մեջ թողեց Ռոբերտ Քոչարյանի եւ Արմեն Գեւորգյանին պատկանող գույքի կալանավորման որոշումը
«Դատարանը բավարարել է քննիչի որոշման անօրինականության մասին իր որոշումը` հակասելով ինքն իրեն...
Ամենաշատ