Գերմանիան եւ Ֆրանսիան ԵՄ բարեփոխումների համար ճանապարհային քարտեզ են առաջարկել, հաղորդում է DW-ը:
Այն նկարագրում է ԵՄ բոլոր կառույցների, փորձագետների, առաջին հերթին, քաղաքացիական հանրության ներկայացուցիչների մասնակցությամբ համայնքների բարեփոխումներ:
Առաջին փուլի ժամանակ՝ 2020-ի փետրվարից հուլիս ամիսները, ծրագրվում է ԵՄ ժողովրդավարական գործառույթի քննարկում: Մասնավորապես, խոսքը Եվրախորհրդարանում ընտրություններին առաջադրվող թեկնածուների, առանձին քաղաքացիների դերի ամրապնդման մասին է: Երկրորդ փուլում ծրագրվում է քննարկել անվտանգության եւ պաշտպանության ոլորտում քաղաքականությունը, կլիմայի փոփոխությունը, միգրացիան, իրավահավասարությունը, իրավական պետության սկզբունքներն ու եվրոպական արժեքները, ինչպես նաեւ առեւտրային քաղաքականությունը:
2022-ի առաջին կեսին երկու փուլերի արդյունքների մասին համաժողով կանցկացվի: Ծրագիրն արդեն փոխանցվել է Եվրամիության անդամ երկրներին, այն կդառնա նոյեմբերի 27-ին ԵՄ պետությունների դեսպանների հանդիպման թեմաներից մեկը: Եթե առաջարկն աջակցի երկրների մեծամասնությունը, ապա այն կքննարկվի դեկտեմբերի կեսերին Եվրամիության գագաթաժողովի ժամանակ:
