«Թալիբան» արմատական շարժումն ուրբաթ պատրաստակամություն է հայտնել վերսկսել խաղաղ բանակցությունները Միացյալ Նահանգների հետ ԱՄՆ նախագահ Դոնալդ Թրամփի կողմից Աֆղանստանում զորքերի այցելության հենց հաջորդ օրը, տեղեկացնում է Reuters-ը։
«Մեր դիրքորոշումը դեռեւս մնում է նախկինը։ Եթե խաղաղ բանակցություններն սկսվեն, դրանք կվերսկսվեն այն փուլից, որտեղ կանգ են առել»,- գործակալությանն ասել է շարժման ներկայացուցիչ Զաբիհուլա Մուջահիդը։
Իրենց հերթին, «Թալիբանի» առաջնորդները Reuters-ին տեղեկացրել են, որ հանդիպումներ են ունեցել ԱՄՆ ներկայացուցիչների հետ Դոհայում վերջին հանգստյան օրերին՝ ավելացնելով, որ շուտով խաղաղ բանակցությունները կարող են վերսկսվել։
Հիշեցնենք, որ նախօրեին հայտնի էր դարձել այն մասին, որ Դոնալդ Թրամփը տիկնոջ հետ չհայտարարված այցով մեկնել է Աֆղանստան, որտեղ տեղի է ունեցել հանդիպում ամերիկյան զորքերի եւ Աֆղանստանի նախագահ Աշրաֆ Գանիի հետ։
Այնտեղ ԱՄՆ նախագահն ասել է, որ «Թալիբանն» ուզում է գործարք կնքել Միացյալ Նահանգների հետ։
