Դարակազմիկ փոփոխություններ են տեղի ունեցել տեսախցիկներ արտադրողների վարկանիշում: Այդպիսով, թվում էր, թե հավերժ առաջնորդներ են Canon-ը եւ Nikon-ը, սակայն Sony-ն զբաղեցրել է երկրորդ հորիզոնականը՝ Nikon-ին մղելով երրորդ տեղը, հաղորդում է Vesti-ն:

Թվային տեսախցիկների շուկայում վաճառքը կրճատվում է, ընդ որում, անհավանական տեմպերով: Միայն վերջին մեկ տարում դրանց վաճառքը կրճատվել է գրեթե 90%-ով:

Զարմանալի է մեկ այլ բան, որ առանց հայելու տեսախցիկները ոչ թե պարզապես չեն փրկել շուկան, այլ վաճառքները մեկ տարում ընկել են 80%-ով: Այդ ֆոնին թանկ ծանր հայելային տեսախցիկներն արդեն ոչ այդքան վատ տեսք ունեն: Նույն Nikon-ն այժմ մաստաշաբային վերակազմավորում է անցկացնում, որի նպատակն է բավարար գումար բերել՝ որպես բիզնես կառույց իր գոյությունն արդարացնելու համար, այլ կերպ ասած՝ կարելի է խոսել ամենամեծ եւ խոշոր ֆոտոբրենդներից մեկի փակման մասին: Իսկ Sony-ն, հակառակը, ներդրումներ է կատարում այդ ոլորտում եւ բաժնետերերին խոստանում մինչեւ 2021 թվականը համար մեկը դառնալ: Ի դեպ, Sony 35 մմ ժապավենով ստանդարտ կադրն արդեն առաջատար է:

Եվ մի փոքր՝ Sony-ի, նրա խաղային կողմի մասին։ Ցանցում ի հայտ են եկել աշխատող PlayStation 5-ի տակդիրի լուսանկարները եւ «հալումաշ լինելու» նոր ալիք առաջացրել։ Լուսանկարները Թվիթերում հրապարակել է տեխնոլոգիաների մասին ամերիկյան առաջատար ընկերություններից մեկը։ Այն չի հաստատել, որ լուսանկարում աշխատող նմուշն է, սարքը շատ նման է պատկերի, որը Sony-ն օգտագործել է պատենտի հայտում։ Եվ ահա հենց արտաքին տեսքն էլ դրա երկրպագուներին տառապելու առիթ է տալիս։ Բայց իրականում դա հազիվ թե վերջնական դիզայնը լինի, դա հենց մշակողների լրակազմն է։ Այն նախատեսված է խաղերի թեստավորման եւ հաշվարկված բարձր բեռնվածության համար, ուստի այստեղ հարկավոր է ավելի հզոր սառեցում։ Դրանով կարելի է բացատրել V-աձեւությունը։