News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը

Վառելիքի շարունակվող աճի դեպքում Իրանը մեկ տարի հետո կարող է դառնալ բենզին ներմուծող: Այս մասին երեքշաբթի հայտարարել է  Իրանի նախագահ Հասան Ռոհանին, փոխանցում է ՏԱՍՍ-ը: 

«Եթե վառելիքի սպառման աճը շարունակվի, ապա մեկ տարի հետո մենք կրկին կդառնանք բենզին ներմուծող,- Իրանի նախագահի մամուլի ծառայության փոխանցմամբ՝ ասել է նա: - Ինքնաբավությունը պահպանելու եւ բենզինի սպառումը վերահսկելու համար ընդունվել է քվոտաներ սահմանելու եւ վառելիքի գները բարձրացնելու ծրագիր»:

«Այս նախաձեռնության շնորհիվ ստացված 310 տրլն իրանական ռիալը (մոտ 2,5 մլրդ դոլար) կհատկացվի հասարակության խոցելի շերտերի օգնությանը»,- նշել է նա:

Իրանի տնտեսական իրավիճակը սրվել էր 2018 թվականի մայիսին միջուկային գործարքից ԱՄՆ միակողմանի դուրս գալուց եւ Թեհրանի դեմ պատժամիջոցներին վերադառնալուց հետո: Նավթի արտահանման վաճառքից բյուջե մուտքերի կրճատման ֆոնին Իրանի իշխանությունները նոյեմբերի 15-ին որոշում ընդունեցին բենզինի մեկ լիտրի գինը մինչեւ 30 հազար ռիալով (մոտ 0,2 դոլար) բարձրացնելու մասին, ինչը փաստացի նշանակում է վառելիքի  արժեքի եռակի աճ: Դրանից բացի, սահմանվեցին հատուկ քվոտաներ՝ ամսական մեկ մարդուն 60 լիտր՝ 15 հազար ռիալ գնով (0,1 դոլար):

Այս որոշումից հետո Իրանի մի շարք քաղաքներում տեղի ունեցած բողոքի ցույցեր, որոնք վերաճեցին ոստիկանների հետ բախումների: Ցուցարարները հրկիզում էին բանկերն եւ ավտոլցակայանները: Անկարգություններ են կատարվել հարյուրավոր բնակավայրերում: Զոհվածների մասին պաշտոնական տեղեկություններ առայժմ չկան, արտասահմանյան լրատվամիջոցների տվյալները տատանվում են մի քանի տասնյակից մինչեւ մի քանի հարյուր մարդ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գերմանիայի իշխանությունները Բայդենի վարչակազմի հետ կքննարկեն «Հյուսիսային հոսք 2»-ը
«Մենք ԶԼՄ-ներից տեղեկացանք Թրամփի վարչակազմի որոշումների մասին, սակայն չքննարկեցինք միմյանց հետ: Այժմ այլ կերպ կլինի»,-նշել է Մաասը...
Բայդենի վարչակազմը կփորձի կանգնեցնել «Հյուսիսային հոսք 2»-ը
Ավելի վաղ Թրամփի վարչակազմը պատժամիջոցներ է սահմանել ռուսական «Ֆորտունա» նավի նկատմամբ, որը մասնակցել է «Հյուսիսային հոսք 2»-ի կառուցմանը...
Վրաստանի կառավարությունն էլեկտրաէներգիայի վճարման հարցում կօգնի բիզնեսին եւ քաղաքացիներին՝ գնաճը զսպելու համար
Սուբսիդիայի ենթակա արտադրությունների թվում են՝ հաց թխելը, մսի, բանջարեղենի, ձկան վերամշակումը, բուսայուղի, կաթնամթերքի, կրախմալի...
Սակարկությունների ժամանակ Brent տեսակի նավթի գինն աճում է
Բարելի դիմաց հասնելով մինչեւ 55,00 դոլարի...
Հայաստանում ցանկանում են ամրապնդել ԱՊՀ անդամ երկրների հետ համագործակցությունը ռադիացիոն անվտանգության ոլորտում
Վերոնշյալ համաձայնագիրը ստորագրվել է 2016 թվականի հունիսի 7-ին...
Արցախի բոլոր բնակավայրերում արդեն ընդհանուր առմամբ վերականգնված է էլեկտրամատակարարումը. Արայիկ Հարությունյան
Պատերազմական գործողությունների հետևանքով ոչնչացվել կամ վնասվել էին Արցախի էլեկտրամատակարարման գրեթե բոլոր ենթակայաններն ու ցանցի բազմաթիվ հատվածներ…
Ամենաշատ