Հարկային օրենսգրքում առաջարկվող լրացումներով նախատեսվում է հանել տարեկան մինչեւ 24 մլն դրամ շրջանառություն ունեցող փոքր բիզնեսի հարկային բեռը։ Այս մասին Ազգային ժողովի նիստում, համապատասխան օրինագծի երկրորդ ընթերցմամբ քննարկման ընթացքում, դեկտեմբերի 3-ին ասաց «Լուսավոր Հայաստան» կուսակցության պատգամավոր, լրացումների հեղինակ Մանե Թանդիլյանը։
Նրա խոսքով՝ օրինագիծը, մասնավորապես, պարզաբանում է, թե հատկապես որ բիզնեսը կարող է օգտվել այս հարկային արտոնություններից։ Այսպես, այդ հնարավորությունից կարող են օգտվել, օրինակ, Հայաստանի մարզերում գտնվող հանրային սննդի ոչ մեծ օբյեկտները, գյուղական խանութները, ինչպես նաեւ գյուղերում ապրող եւ իրենց փոքր բիզնեսն ունեցող ընտանիքները։
Օրինագիծը, պատգամավորի խոսքով, հիմնականում սոցիալական ուղղվածություն ունի եւ պետք է նպաստի Երեւանից դուրս միկրոձեռնարկությունների զարգացմանը։
