ԱՄՆ պաշտպանության նախկին նախարարներ Լեոն Պանետան եւ Ջեյմս Մետիսը ԱՄՆ նախագահ Դոնալդ Թրամփի եւ ԿԺԴՀ ղեկավար Կիմ Չեն Ընի հանդիպման խափանումը բացատրում են դաշնակիցների հետ համագործակցության բացակայությամբ, հայտնում է CNBC-ը։
«Եթե Միացյալ Նահանգների նախագահը պատրաստվում է հանդիպել այլ ղեկավարի հետ, դուք, սատանան տանի, ավելի լավ է պատրաստ լինեք դրան այն տեսակետից, թե ինչ խնդիրների հետ է դա կապված, եւ ինչի մասին մենք պետք է պայմանավորվենք»,- ասել է Պանետան, երբ նրան հարցրել են երկու ղեկավարների հանդիպման մասին։
«Այո, մենք հասել ենք որոշակի առաջընթացի Հյուսիսային Կորեայում կատարվողը զսպելու փորձերի հարցում, սակայն, կարծում եմ, Հյուսիսային Կորեան այսօր էլ նույնպիսի մեծ սպառնալիք է ներկայացնում, ինչպես եւ նախկինում, եթե ոչ ավելին»,- հավելել է նա։
«Հնարավոր է՝ մենք համաձայնություն չենք ունեցել դեպարտամենտի հետ, եւ մենք չենք շփվել մեր դաշնակիցների հետ այն ժամանակ։ Այժմ, որոշ դեպքերում մենք աշխատում ենք առանց դաշնակիցների կամ նրանց դեմ»,- ասել է Մատիսը։
Շաբաթ օրը հյուսիսկորեական պետական ԶԼՄ-ները հայտնել էին, որ հրթիռի փորձարկման դաշտում անցկացվել է «շատ կարեւոր» փորձարկում։ Թրամփը դրան արձագանքել է թվիթով՝ գրելով, որ Կիմ Չեն Ընը «ամեն ինչ» կորցնելու վտանգի է ենթարկում իրեն, եթե ապառազմականացման քայլեր չնախաձեռնի։