Մոնտենեգրոյի խորհրդարանի նիստի ժամանակ արցունքաբեր գազ են ցնցղել, որում քննարկվում էր հավատի ազատության մասին օրենքի ընդունումը, հայտնում է RTCG-ն:

Գազը ցնցղել են այն բանից հետո, երբ իշխող կոալիցիան քվեարկել է օրինագիծն առանց փոփոխության քվեարկության դնելու օգտին:

Ընդդիմության առաջնորդ Անդրիա Մանդիչը խորհրդարանի խոսնակին կոչ է արել ընդհատել նիստը եւ պատգամավորներին հնարավորություն տալ քննարկել օրինագծի վերաբերյալ բոլոր առաջակները: Խոսնակ Իվան Բրայովիչը հրաժարվել է նիստը հետաձգել հաջորդ օր եւ քննարկել օրինագծի յուրաքանչյուր փոփոխություն առանձին-առանձին: Դրա փոխարեն, նա քվեարկության է դրել երեք փոփոխություն, որոնք ձայների մեծամասնությամբ չեն ընդունվել: Դրանից հետո խորհրդարանի նիստն ընդհատվել է եւ հայտարարվել է «տեխնիկական պատճառներով ընդմիջում», պատգամավորները նիստերի դահլիճը լքել են:

Մինչ այդ Մոնտենեգրոյի նախագահ Միլո Ջուկանովիչը մեղադրել էր Սերբական Ուղղափառ եկեղեցուն (ՍՈւԵ), թե այն փորձում է պահպանել կրոնական մենաշնորհը երկրում, եւ ասել է, որ կփորձի հասնել անկախության «չեռնոգորյան եկեղեցու» համար՝ Ուկրաինայի օրինակով։ Նոր եկեղեցու ստեղծման շրջանակում Մոնտենեգրոյի կառավարությունը փորձում է խորհրդարանով անցկացնել «Դավանանքի եւ համոզմունքների ազատության եւ կրոնական համայնքների իրավական դրության մասին» օրենքը, որով նախատեսվում է առգրավել ՍՈՒԵ եկեղեցական գույքը։ Խոսքն ավելի քան 650 սրբատեղիների մասին է, ներառյալ ուղղափառ աշխարհում հայտնի Օստրոգ վանքը։ Օրինագծի քնարկումը տեղի է ունենում ողջ երկրում զանգվածային բողոքների ֆոնին։