Կատարի էմիր Թամիմ բեն Համադ ալ Թանին հինգշաբթի ընդունել է օրենք ահաբեկչությանը հակազդելու մասին՝ 2017 թվականին Դոհայի հետ հարաբերությունները խզած արաբական երկրների՝ էմիրության կողմից ահաբեկչությանն աջակցելու քննադատության ֆոնին, տեղեկացրել է Կատարի QNA լրատվական գործակալությունը, փոխանցում է ՌԻԱ «Նովոստի»-ն։
Պաշտոնական պետական գործակալության տեղեկատվությամբ՝ էմիրը ընդունել է 2019 թվականի թիվ 27 օրենքը ահաբեկչությանը հակազդելու մասին։
Բացի այդ, հինգշաբթի էմիրը հավանություն է տվել կառավարության թիվ 41 որոշմանը՝ փողերի լվացման եւ ահաբեկչության հովանավորման դեմ պայքարի մասին օրենքի կատարման վերաբերյալ։ Կատարի Կենտրոնական բանկը հավանություն է տվել կատարման ենթակա նոր ցուցակին՝ ահաբեկչության ֆինանսավորման դեմ պայքարի մասին օրենքի առնչությամբ։
Չնայած Դոհայի եւ Էր Ռիադի միջեւ հարաբերությունների ջերմացման մասին տեղեկություններին՝ արաբ որոշ քաղաքական գործիչներ Կատարը բոյկոտող չորս երկրներից, ի պատասխան, հայտարարել են, որ էմիրությունը նախկինի պես առաջ չի գնացել ահաբեկչության դեմ պայքարի հարցում։ 2017 թվականի հունիսին Սաուդյան Արաբիան, ԱՄԷ-ն, Բահրեյնը եւ Եգիպտոսը խզեցին դիվանագիտական հարաբերությունները Կատարի հետ՝ նրան մեղադրելով ահաբեկչությանը, առաջին հերթին՝ Եգիպտոսում «Մուսուլման եղբայրներին» աջակցելու մեջ։