Սոմալիի մայրաքաղաք Մոգադիշոյում ականապատված մեքենայի պայթյունի հետեւանքով զոհերի թիվը 90-ից անցել է, հայտարարել է Սոմալիի խորհրդարանի անդամ Աբդիրիզակ Մոհամմեդը, հայտնում է «ՌԻԱ Նովոստի»-ն:
«Ինձ տեղեկացրին, որ զոհերի թիվը 90-ից անցնում է, նրանց թվում կան 17 ոստիկան, 73 քաղաքացիական անձ եւ 4 օտարերկրացի»,- նշել է նա իր Twitter-յան պաշտոնական էջում:
Տարածաշրջանում գործող ոչ մի խմբավորում առայժմ չի ստանձնել պայթյունի պատասխանատվությունը:
Սոմալիում բազավորված է «Աշ Շաբաբ («Երիտասարդ մոջահեդների շարժում») արմատական իսլամական խմբավորումը, որը սերտ կապեր ունի «Ալ Քաիդա» միջազգային ահաբեկչական կազմակերպության հետ: Այն զինված պայքար է մղում Սոմալիի կոնտրոնական կառավարության դեմ եւ խոչընդոտում է ՄԱԿ հումանիտար գործունեությանը: 2008 թվականին ԱՄՆ-ն խմբավորումը ներառել է ահաբեկչական կազմակերպությունների ցուցակի մեջ, որի նկատմամբ երկրի տարածքում պատժամիջոցներ են գործում: