Ռուսաստանի նախագահ Վլադիմիր Պուտինը ԱՄՆ-ի նախագահ Դոնալդ Թրամփի հետ հեռախոսազրույցի ժամանակ շնորհակալություն է հայտնել հատուկ ծառայություններից փոխանցված տեղեկատվության համար, որը նպաստել է ՌԴ-ում ահաբեկչության կանխարգելմանը, հաղորդում է ՏԱՍՍ-ը՝ հղում անելով Կրեմլի մամուլի ծառայությանը։
«Վլադիմիր Պուտինը շնորհակալություն է հայտնել Դոնալդ Թրամփին հատուկ ծառայությունների միջոցով փոխանցված տեղեկատվության համար, որն օգնել է կանխարգելել Ռուսաստանում ահաբեկչական գործողությունների իրականացումը։ Քննարկվել են մի շարք հարցեր, որոնք ներկայացնում են փոխադարձ շահ։ Պայմանավորվածություն է ձեռքբերվել շարունակել երկկողմանի համագործակցությունը ահաբեկչության դեմ պայքարի ոլորտում»,-ասվում է հաղորդագրության մեջ։
Հեռախոսազրույցը կայացել է ռուսական կողմի նախաձեռնությամբ։
