Վրաստանի եւ Ադրբեջանի պաշտպանության նախարարներ Իրակլի Գարիբաշվիլին եւ Զաքար Հասանովը Թբիլիսիում երկու երկրների ռազմավարական գործընկերությանը եւ ռազմական ոլորտում համագործակցությանը վերաբերող հարցեր են քննարկել, հայտնում է contact.az-ը։

Երկու երկրների պաշտպանական գերատեսչությունների ղեկավարների ընդլայնված հանդիպմանը Գարիբաշվիլին Վրաստանի ինքնավարությանը եւ տարածքային ամբողջականությանը աջակցելու համար շնորհակալություն է հայտնել Հասանովին։ Նա նշել է, որ «երկրների միջեւ բարեկամական եւ բարիդրացիական հարաբերությունները տարածաշրջանում կայունության եւ անվտանգության երաշխիք են»։

Հանդիպման ավարտին Իրակլի Գարիբաշվիլին եւ Զաքար Հասանովը 2020թ․ երկկողմ ռազմական համագործակցության պլան են ստորագրել։