Իրանի նախագահ Հասան Ռոհանին ԱՄՆ նախագահ Դոնալդ Թրամփի կառավարությունն անվանել է ԱՄՆ պատմության մեջ վատագույնը, հաղորդում է ՌԻԱ Նովոստին:
«Չէինք մտածում, որ ԱՄՆ-ում իշխանության կգա կառավարություն, որն աջակցում է ահաբեկիչներին եւ զբաղվում խարդախությամբ, այն վատագույնն է ԱՄՆ պատմության մեջ մնացած կառավարություններից, այն խնդիրներ է ստեղծում աշխարհի, իր դաշնակիցների, ընկերների եւ նույնիսկ սեփական ժողովրդի համար»,- ասել է նա իրանական հեռուստաընկերության եթերում:
2018 թվականին ԱՄՆ-ը միակողմանի դուրս եկավ Իրանի հետ միջուկային գործարքից եւ կրկին պատժամիջոցներ սահմանեց Թեհրանի դեմ: Թրամփի վարչակազմը հայտարարեց, որ որ ԱՄՆ-ի նպատակն է իրանական նավթի արտահանումը զրոյի հասցնելը:
ԱՄՆ եւ Իրանի հարաբերություններն էլ ավելի սրվեցին հունվարի սկզբին Իրաքում ամերիկյան հատուկ գործողության հետեւանքով իրանցի գեներալ Ղասեմ Սոլեյմանիի սպանությունից հետո: Իրանն ի պատասխան հրթիռներ արձակեց Իրաքում ամերիկյան բազաների դեմ: Պենտագոնի տվյալներով՝ հրթիռակոծության հետեւանքով տուժել է 34 ամերիկացի զինծառայող:
