ԱՄՆ նախագահ Դոնալդ Թրամփը հայտարարել է, որ ՆԱՏՕ-ի գլխավոր քարտուղար Յենս Ստոլտենբերգն իր ամենամեծ երկրպագուն է, հաղորդում է «ՌԻԱ Նովոստի»-ն:
Նրա խոսքով՝ Ստոլտենբերգը «շատ երախտապարտ է իրեն, որ դաշինքի դաշնակիցները ավելացրել են պաշտպանական ծախսերը»:
2019 թվականի նոյեմբերին հաղորդվել է, որ ԱՄՆ-ը հույս ունի մինչեւ 2024 թվականն ավելացնել պաշտպանական ծախսերը ՀՆԱ 2%-ի չափով: 2016 թվականին նման ծախսեր են իրականացրել ՆԱՏՕ-ի միայն 4 անդամներ, այն դեպքում, երբ այժմ ՆԱՏՕ-ի արդեն 9 անդամ պետություն պաշտպանական ծախսերի համար ծախսում է պայմանական գումար:
Նույն ամսին Թրամփը որոշել է կրճատել ՆԱՏՕ-ի ֆինանսավորման համար ԱՄՆ ծախսերը: Սպիտակ տունը մտադիր էր դաշինքի բյուջեի մոտ 22% բաժինը դարձնել 16%՝ մնացած մասի ծախսերը թողնելով դաշինքի մյուս երկրների վրա:
2018 թվականին Թրամփը դաշինքի անդամ պետությունների առաջնորդներից պահանջել է կրկնապատկել ռազմական ծախսերը: Նրա կարծիքով՝ սահմանված 2%-ի փոխարեն ՆԱՏՕ-ի երկրները պետք է ռազմական ծախսերի համար հատկացնեն ՀՆԱ 4%:
