Բրիտանացի երաժիշտ Ուոլես Հարթլիի ջութակը, որը 1912 թվականին զոհվել էր «Տիտանիկի» խորտակվելիս, ներկայացրել են Բրենսոնի (ԱՄՆ, Միսուրի նահանգ) Titanic Museum Attraction թանգարանի ցուցահանդեսում, հայտնում է ozarksfirst.com-ը:
Ավելի վաղ գործիքը 1,7 մլն դոլարով վաճառվել էր հավաքորդի: Սա ամենաբարձր գինն էր, որ երբեւէ վճարվել է նավից արտեֆակտի համար:
Հիմա անունը հրապարակել չցանկացող տերը թույլ է տվել, որ ջութակը կարճ ժամանակով համալրի թանգարանի ցուցադրանմուշները:
«Սա ամենանշանակալի իրն է: Այս գործիքով երաժիշտ եւ նվագախմբի ղեկավար Ուոլես Հարթլին նվագել է, երբ նավը խորտակվել է»,- մեկնաբանել է ընկերության տնօրեն Էնդրյու Օլդրիջը:
Ուոլես Հարթլիին ջութակը նվիրել էր նրա հարսնացուն: Նա ջութակը հետն էր վերցրել «Տիտանիկի» առաջին նավագնացության ժամանակ: Այսբերգի հետ նավի ողբերգական բախումից հետո երաժիշտների խումբը ուղեւորների համար նվագել է մինչեւ վերջ:
Հարթլիին, ավաղ, չի հաջողվել փրկվել: Նրան հայտնաբերել են 2 շաբաթ անց: Մարմնին կապված էր ջութակը, որը փոխանցել են զոհված երաժիշտի հարսնացուին: Նա այն նվիրաբերել է «Փրկության բանակ» բարեգործական կազմակերպությանը: