Թուրքիան դիտավորյալ թաքցնում է Հայոց ցեղասպանության փաստերը: Այս մասին Al Arabiya հեռուստաալիքի հետ զրույցում ասել է պատմաբան Թաներ Աքչամը:
Նրա խոսքով՝ Թուրքիայի կառավարությունը թաքցնում է հեռագրերը, որոնցում տեղեկություն կա ցեղասպանության մասին: Նրանք գիտեն այդ վկայությունների մասին, քանի որ փաստաթղթերն օգտագործվել են 1919 թվականին Ստամբուլում ռազմական տրիբունալի ընթացքում:
Ռազմական տրիբունալի ժամանակ, Աքչամի խոսքով, պետական մեղադրողները գրել են մեղադրական ակտեր եւ դատավճիռներ այդ հեռագրերի մեջբերումների հիման վրա:
Աքչամը նշել է, որ գտել է փաստաթղթերը մասնավոր, այլ ոչ թե պետական արխիվներում: Պատմաբանը հավելել է, որ Թուրքիայում քաղաքացիական ակտիվիստները պայքարում են Հայոց ցեղասպանության ճանաչման համար՝ ժողովրդավարության եւ մարդու իրավունքների համար պայքարի հարցով իրենց ջանքերի շրջանակում:
