Թուրք դատախազը 15 տարի ժամկետով պատիժ է պահանջել Die Welt-ի գերմանաթուրք լրագրող Դենիզ Յուջելի համար, հայտնում է Anadolu պետական լրատվական գործակալությունը:
Յուջելը գրեթե մեկ տարի անցկացրել է Թուրքիայի բանտում այն բանից հետո, երբ 2017-ի փետրվարին կալանավորվել էր ահաբեկչության քարոզչության մեղադրանքով` Քրդական աշխատավորական կուսակցության առաջնորդ Բայիքի հետ հարցազրույցի համար: Նա ազատ էր արձակվել 2018-ի փետրվարին եւ վերադարձել էր Գերմանիա:
Հունիսին Թուրքիայի Սահմանադրական դատարանը որոշում էր կայացրեց, որ Յուջելի կալանավորումն անօրինական է եւ նրան զրկել էր անձնական ազատությունից են անվտանգությունից, ինչպես նաև խախտել էր խոսքի եւ մամուլի ազատության իրավունքը:
Դատախազը պահանջել է, որպեսզի Յուջելը դատապարտվի բանտարկության` ահաբեկչության քարոզչության եւ թուրք ժողովրդին վիրավորելու համար:
Հաջորդ դատական նիստը նշանակված է ապրիլի 2-ին: