News
Լրահոս
News
Երեքշաբթի
Հոկտեմբեր 04
USD
406.49
EUR
402.22
RUB
6.9
Տեսնել լրահոսը

«Փարվանա ՀԷԿ»-ը դատարկելու արդյունքում Փարվանա գետի մակարդակը 40 սմ-ով բարձրանալու է: Այս մասին տարածած հայտարարությունում տեղեկացնում է արտակարգ իրավիճակների կառավարման ծառայությունը՝ նշելով, որ գետի մոտակայքում քաղաքացիների տեղաշարժն արգելվում է, հաղորդում է Aliq.ge-ն: 

«Ներքին գործերի նախարարության արտակարգ իրավիճակների կառավարման ծառայությունը տեղեկացնում է, որ փետրվարի 24-ին, ժամը 10:00-ից, Ախալքալաքի մոտակայքում «Փարվանա ՀԷԿ»-ը դատարկելու համար կբացվեն ավազանի փականները, ինչն էլ կհանգեցնի մինչև Խերթվիսի գյուղ՝ Փարվանա գետի մակարդակի 30-40 սմ բարձրացման:

Գետերի ջրի բարձրացման վտանգի պատճառով նախազգուշացնում ենք, որ Փարվանա գետի մոտակայքում ցանկացած տեղաշարժ խստիվ արգելվում է:

Ներքին գործերի նախարարության արտակարգ իրավիճակների կառավարման ծառայությունը տեղի բնակիչներին, ձկնորսներին և որսորդներին կոչ է անում զգոնություն ցուցաբերել, չվտանգել սեփական կյանքն ու առողջությունը», — ասված է ԱԻ ծառայության հայտարարությունում:

Արտակարգ իրավիճակների կառավարման ծառայության Ասպինձայի բաժնի փրկարարական ջոկատները գետի բարձրացված հատվածներում չորս օր հսկողություն կիրականացնեն:

«Փարվանա ՀԷԿ»-ը բացվել է 2014 թվականին: ՀԷԿ-ի կառուցման համար թուրքական «Անադոլու գրուպ» ընկերությունը ներդրել է ավելի քան 200 մլն դոլար:

Տպել
Ամենաշատ