News
Լրահոս
News
Երեքշաբթի
Ապրիլ 07
USD
501.55
EUR
542.38
RUB
6.58
ME-USD
0.04
Տեսնել լրահոսը

Հայ Դատի հանձնախմբերը, իրենց գործունեության կիզակետում պահելով Արցախի ճանաչման դժվարին առաքելությունը, նյութական ու մարդկային նվազ միջոցներով, բայց նպատակի գիտակցումով  օրինբուն պայքարում են ՝ ամեն պահի զգալով ադրբեջանական եւ թուրքական նենգ քարոզչության հարվածները: Այս մասին Ստեփանակերտում ընթացող ՀՅԴ Հայ Դատի հանձնախմբերի եւ գրասենյակների խորհրդաժողովի ժամանակ իր ելույթում նշեց Արցախի Ազգային ժողովի «Դաշնակցություն» խմբակցության ղեկավար Դավիթ Իշխանյանը:

Ստորեւ ներկայացնում ենք նրա ելույթը.

«Մեծարգո նախագահ Արցախի Հանրապետության,

Գերաշնորհ Սրբազան Հայր,

Հայ դատի հանձնախմբերի սիրելի ընկերներ,

Հարգելի ներկաներ,

Ողջունում եմ բոլորիդ մասնակցությունը Հայ դատի հանձնախմբերի խորհրդաժողովին, որը տեղի է ունենում մեր բոլորիս սրտի ամենազգայուն կետում՝ հպարտության, սիրո, պատվի, կամքի ու հաղթանակի առանցքում՝ Արցախում:

Պարտադիր չէ հիշեցնել, թե ինչու խորհրդաժողովի անցակցման վայրը ընտրվեց հենց այստեղ. այդ հարցի պատասխանը բոլորիս մեջ է, որովհետեւ Արցախը բոլորիս մեջ է, մեր ամենօրյա խոհերում, մեր խոսքում եւ որ ամենակարեւորն է՝ գործում: Աշխարհով մեկ սփռված Հայ դատի հանձնախմբերի ու գրասենյակների նվիրյալները բոլորից լավ գիտեն, որ Արցախով է անցնում հայի լինելիության մայր ճանապարհը, եւ այդ ճանապարհը միշտ  պետք է զերծ պահել օտարածին թափանցումներից ու քաղաքական խարդավանքներից: Այդ ճանապարհը բոլորիս պատվի ուղին է, ու դա այն հստակ սահմանումն է, որ ապացուցելի ու վիճելի չէ:

30 տարի առաջ Դաշնակցությունը, զգալով վերահաս վտանգը, վերադարձավ Արցախ, վերադարձավ զենքով, կամավորի ազնիվ մղումներով, առաջինը  նետվեց մարտի դաշտ ու պայքարի կոչ արեց: Դաշնակցությունը կորցրեց իր գաղափարակից մարտիկների մի ամբողջ բանակ, որովհետեւ նրանց համար կուսակցության գաղափարախոսությունը վեր էր ամեն ինչից ու հանուն այդ գաղափարախոսության էլ չխուսափեցին սեփական կյանքը նվիրաբերելու:

Զոհաբերության գնով կյանք առան հաղթանակները, Դաշնակցությունն անկախության գաղափարը դարձրեց հավատամք, դարձավ ազատ Արցախի  պետականակերտման անտրտունջ շինարարներից մեկը եւ մինչ օրս էլ շարունակում է սկսած գործը:

Հայ Դատի հանձնախմբերը, իրենց գործունեության կիզակետում պահելով Արցախի ճանաչման դժվարին առաքելությունը, նյութական ու մարդկային նվազ միջոցներով, բայց նպատակի գիտակցումով  օրինբուն պայքարում են ՝ ամեն պահի զգալով ադրբեջանական եւ թուրքական նենգ քարոզչության հարվածները:

Նրանք հարվածներից չեն վախենում, նրանք պատմական ճշմարտությամբ են հակադարձում, նրանք չեն կաշառում մարդկանց, որ վերջիններս ամբիոններից ստեր  բարձրաձայնեն, նրանք կաթիլ առ կաթիլ մատուցում են ճշմարտությունը՝ հանուն արդարության:

Սփյուռքում Արցախի մշտական ներկայացուցչությունների, իսկ Արցախում  իշխանությունների հետ Դաշնակցությունը պատրաստակամորեն համագործակցում է բոլոր այն աշխատանքներում, որոնք միտված  են Արցախի միջազգային ճանաչմանը, նրա  զարգացմանն  ու շենացմանը: Բնական դաշնակիցներ լինելով տասնամյակներ շարունակ մեզ հաջողվել է ցուցաբերել համագործակցության օրինակելի վարքագիծ, միշտ առաջնորդվելով հանունի գաղափարով:

Այսօր հավաքվել ենք ամփոփելու արվածը եւ խոսելու անելիքների մասին, որովհետեւ Դաշնակցության համար միշտ էլ  անելիքները շատ են, հատկապես ներկա փուլում՝ զանազան մարտահրավերների եւ աշխարհում տեղի ունեցող քաղաքական խաղերի թնջուկում:

Ուզում եմ նորից ողջունել բոլորիդ, բարի ընթացք մաղթել խորհրդաժողովին եւ խոսքս եզրափակել Նժդեհի հայտնի խոսքով. «Ոչ մի տեղ առանց Արցախի ու Սյունիքի, առանց աշխարհագրական Հայաստանի այդ հզոր ողնաշարի մեր ամբողջական հայրենիքը գոյություն ունենալ չի կարող»:

Շնորհակալություն:

Տպել
Կարդացեք նաև
Ամբողջը
Արցախի Մարտունու շրջվարչակազմում հրավիրվել է խորհրդակցություն. Օրակարգում կորոնավիրուսի դեմ պայքարն է
Նշվել է, որ շրջանում համապատասխան կառույցներն՝ ըստ ուղղությունների, նոր կորոնավիրուսի տարածման կանխարգելման ուղղությամբ ամենօրյա աշխատանքների իրականացումը շարունակվում է...
Ընդդեմ կորոնավիրուսի. Արցախի բանակի բուժծառայությանն են փոխանցվել ախտահանիչ մեքենայացված սարքավորումներ (ֆոտո)
Պաշտպանության բանակում նոր տիպի կորոնավիրուսի տարածման դեմ իրականացվող կանխարգելիչ հակամաճարակային միջոցառումները շարունակվում...
Ստուգայց են կատարել Ստեփանակերտի հանրային սննդի օբյեկտներ. Արցախի տեղեկատվական շտաբից հայտնում են
Արցախի Հանրապետության առողջապահության նախարարության տրամադրած տեղեկատվության համաձայն…
Արցախում կորոնավիրուսի տնտեսական հետևանքներին ու աջակցության մեխանիզմներին նվիրված խորհրդակցություն է անցկացվել
Խորհրդակցությանը ներկա գերատեսչությունների ղեկավարներն ու պատասխանատուները հանդես են եկել առաջարկություններով ու զեկույցներով...
Ստեփանակերտում ամեն օր ժամը 20:00-ից դադարեցվելու է հասարակական տրանսպորտի աշխատանքը
Հաշվի առնելով վերջին օրերին, բնակչության շարժի պասիվացմամբ պայմանավորված, ուղեւորահոսքի զգալի նվազումը…
Արցախում կորոնավիրուսի վարակի առկայության վերաբերյալ լուրերը կեղծ են, առանց փաստական որեւէ հիմքի. տեղեկատվական շտաբ
Վերջին օրերին սոցիալական ցանցերի որոշ օգտատերեր Արցախում կորոնավիրուսի...
Ամենաշատ