News
Լրահոս
News
Երեքշաբթի
Մայիս 21
Տեսնել լրահոսը

Հայաստանի կառավարությունը, ցեմենտի եւ կլինկերի շուկայում գների աննախադեպ անկման պատճառով, առաջարկում է երկարաձգել «սահմանափակումները» Իրանից եւ մի շարք այլ երկրներից ցեմենտի ներկրման համար: Այս մասին մարտի 24-ին Ազգային ժողովի նիստին «Պետական տուրքերի մասին» օրենքում լրացումներ կատարելու մասին» օրենքում փոփոխություններ կատարելու մասին նախագծերի փաթեթի առաջին ընթերցմամբ քննարկման ժամանակ ասաց ՀՀ էկոնոմիկայի փոխնախարար Ավագ Ավանեսյանը:

Փոխնախարարը, մասնավորապես, պարզաբանեց որ խոսքն Իրանից ցեմենտի ներկրման համար սահմանափակումներ մտցնելու մասին է: Հայաստանի կառավարությունը մեկ տարի առաջ խորհրդարանի աջակցությամբ մաքսատուրք էր սահմանել Իրանից եւ մի քանի այլ երկրներից ցեմենտի ներմուծման համար, որը մեկ տոննայի դիմաց 14 հազար դրամ էր կազմում: Այս սահմանափակումը պետք է վերացվեր արդեն ապրիլին, սակայն այժմ կառավարությունն առաջարկում է այն երկարաձգել մինչեւ ընթացիկ տարվա դեկտեմբերի 31-ը, սակայն` վերանայման եւ նշված ժամանակահատվածի կրճատման հնարավորությամբ:

Ավանեսյանը նշեց, որ վերջին երկու տարվա ընթացքում իրանական ռիալը լրջորեն արժեզրկվել է, իսկ Իսլամական հանրապետության դեմ Արեւմուտքի կողմից կիրառված պատժամիջոցների պատճառով այս երկրի տնտեսական մոդելն էական փոփոխությունների է ենթարկվել, ինչն էներգակիրների` բնական գազի եւ էլեկտրականության գների անկման է հանգեցրել:

«Քանի որ իրանցիները պատժամիջոցների պատճառով չեն կարող ապահովել այդ էներգակիրների արտահանումը, նրանք ստիպված են փոխհատուցել դա իրենց սեփական արտադրանքի ապրանքների արտահանմամբ, որոնց նկատմամբ որեւէ սահմանափակում չկա: Ցեմենտը ներառված է այդ ապրանքների ցանկում»,- պարզաբանեց փոխնախարարը: Այս ամենը, նրա խոսքով, հանգեցրել է նրան, որ ցեմենտի շուկայում կարող է արտադրողների համար հավասար մրցակցային հնարավորությունների ապահովման համար վտանգ առաջանա, եւ, հետեւաբար, ՀՀ կառավարությունը որոշեց երկարաձգել իրանական ցեմենտի ներմուծման համար մաքսատուրքերի գործողության ժամկետը` տեղական արտադրողներին աջակցելու նպատակով:

Նշենք, որ Հայաստանում գործում է ընդամենը երկու ցեմենտի գործարան՝ Հրազդան եւ Արարատ քաղաքներում (վերջինս պատկանում է օլիգարխ, «Բարգավաճ Հայաստան» կուսակցության ղեկավար Գագիկ Ծառուկյանին):

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կայացել է Կայունացման և զարգացման եվրասիական հիմնադրամի միջոցներից ՀՀ-ին 100 մլն դոլարի վարկի ստորագրման արարողությունը
ՀՀ ֆինանսների նախարարն ընդունել է Կայունացման և զարգացման եվրասիական հիմնադրամի գործադիր տնօրենին...
Դոլարի եւ եվրոյի փոխարժեքները աճել են. թանկացել է նաեւ ռուբլին
ԱՄՆ դոլարի փոխարժեքն այսօր՝ մայիսի 20-ին, կազմել է…
Գևորգ Պապոյանը աշխատանքային այցով մեկնում է Աբու Դաբի
Էկոնոմիկայի նախարար Գևորգ Պապոյանի գլխավորած պատվիրակությունը մայիսի 20-22-ը գտնվելու է Արաբական Միացյալ Էմիրությունների Աբու Դաբի քաղաքում...
Ինչո՞ւ այս տարի ասֆալտի հետ կապված ունենք աննախադեպ ծավալի խնդիրներ. Ավինյան
Նախնական ծավալները կսպառենք այս շաբաթվա ընթացքում, նոր ծավալները գույքագրված են...
Ինչպե՞ս ստանալ քաղաքաշինության բնագավառի հավաստագիր և լիցենզիա․ անիմացիոն հոլովակ
2023թ. տարեվերջից ուժի մեջ մտած օրենսդրական փոփոխությունների համաձայն՝ կախված կատարած աշխատանքի ծավալից, բարդությունից, ռիսկայնության...
Վերջին ամսում «Երևանի ավտոբուս» ընկերության միջին օրական հասույթը աճել է շուրջ 4 մլն դրամով
Մեկ շաբաթում «Երևանի ավտոբուս» ՓԲԸ-ի հասույթը կազմել է 172 մլն 975 հազար 750 դրամ, որն ավելի է նախորդ շաբաթվա հասույթից 9 մլն 592 հազար 100 դրամով...
Ամենաշատ