Մինչեւ Լուսին բեռի յուրաքանչյուր կիլոգրամը հասցնելը տասնյակ հազարովոր դոլարներ արժի, այնպես որ այնտեղ շինարարական նյութեր տեղափոխելը չափազանց թակ կլիներ։ Այդ պատճառով ինժեներները մշակում են ռոբոտացված տեխնիկայի եւ 3D-տպագրության օգտագործմամբ լուսնային ռեգոլիտից բազա ստեղծելու տեխնոլոգիաներ։ Այդ առաջադրանքը լրացուցիչ թեթեւացնել խոստանում է Նորվեգիայի Էստֆոլի համալսարանական քոլեջից Աննա-Լենա Քյոնիքսենի թիմի կատարած գյուտը։
Journal of Cleaner Production-ում հրապարակված հոդվածում նրանք դիտարկում են լուսնային բազայի կառուցման համար ապագա գաղութաբնակների մեզի վերամշակումը։ Ինժեներների խոսքերով՝ դրանից արտադրված միզանյութը կարող է ցեմենտային լուծույթի պլաստիկացնող միջոց օգտագործվել։ Այդպիսի հավելումը բարձրացնում է բետոնի պլաստիկությունը, թույլ է տալիս ավելի հարմար աշխատել դրա հետ, մեծացնում է խտությունը եւ դեֆորմացիաների հանդեպ կայունությունը, փոխանցում է Naked-Science-ը։
Իրենց փորձարկումների համար գիտնականները օգտագործել են ESA-ում ստեղծված լուսնային գրունտի սիմուլյատոր եւ համապատասխան 3D-պրինտեր, որի օգնությամբ տպագրել են նմուշներ եւ ուղարկել մանրամասն անալիզի։ Բաղադրիչները, որոնք տպագրվել են միզանյութի ավելացմամբ, ենթարկվել են սառեցման-հալեցման մի քանի ցիկլի եւ 80 °C տաքացման, սակայն ամբողջությամբ պահպանել են իրենց կառուցվածքային հատկանիշները։
«Միզանյութ հավաքելու գործընթացը մենք առայժմ չենք դիտարկել, քանի որ դեռեւս չենք պարզել՝ չի՞ կարելի արդյոք մեզի այլ բաղադրիչներ օգտագործել շինարարական խառնուրդին ավելացնելու համար»,- ասել է Աննա-Լենա Քյոնիքսենը։
