«Գորիլլան, որն ուզում էր մեծանալ» հեքիաթի «միաժամանակ ընթերցման միջազգային ֆլեշմոբ է կազմակերպում «Վարդագույն ընձուխտ» հրատարակչությունը` «Ընթերցման շաբաթվա» շրջանակներում: Մասնակից երկրների ցանկում է նաեւ Հայաստանը:
Կազմակերպիչները նշել են, որ ամերիկացի գրող Ջիլ Թոմլինսոնի հեքիաթի ընթերցմանը ամբողջ աշխարհում կմասնակցի 40 հազար մարդ: Ֆլեշմոբը տեղի կունենա ապրիլի 27-ին, Երեւանի ժամանակով 16:00-ին: Այն տեղի կունենա Հայաստանում, Ռուսաստանում, Բելառուսում, Ուկրաինայում, Լատվիայում, Ղազախստանում, Ուզբեկստանում, Գերմանիայում, Ֆրանսիայում, Իռլանդիայում, ԱՄՆ-ում եւ Կանադայում:
