ՀՀ վարչապետ Նիկոլ Փաշինյանը ֆեյսբուքյան ուղիղ եթերում անդրադարձավ երեկ քաղաքացիների կողմից իրեն ուղղված մի հարցի՝ Վանաձորում տեղի ունեցած անհամաչափ թանկացումների վերաբերյալ: Վարչապետը տեղեկացրեց, որ այսօր առավոտյան՝ խորհրդակցության ժամանակ, ՏՄՊՊՀ նախագահն ասել է, որ իրենք զբաղվում են այդ հարցով՝ կոնկրետ Վանաձորում հացի թանկացման պատճառները հասկանալու համար:
«Ես տվել եմ հանձնարարական, որ դրանով զբաղվեն, նա ասաց, որ որոշ ապրանքատեսակների մասով որոշակի գնանկում է նկատվել: Մենք կշարունակենք հետևել իրավիճակին, մոնիթորինգ անել, այստեղ խնդիրը հետևյալն է. ոչ թե ինքնին թանկացումները, այլ՝ թույլ չտանք չհիմնավորված գործողություն, գնային շահարկումներ և չարաշահումներ տեղի ունենան, այս առումով հասկանալի է, որ կարող են գների որոշակի փոփոխություններ տեղի ունենալ»,- ասաց նա:
