Իսրայելի նախագահ Շիմոն Պերեսը մերժել է Գյուլի հրավերը՝ մասնակցել ՄԱԿ-ի առավել թույլ զարգացած երկրների 4-րդ համաժողովին, որը տեղի է ունենալու մայիսի 9-13-ին Ստամբուլում։
Թուրքական Haberx-ի փոխանցմամբ՝ Իսրայելը ՄԱԿ-ի համաժողովին կմասնակցի ավելի ցածր մակարդակով: Իսրայելական կողմը հայտնել է, որ այդ ժամանակահատվածում Իսրայելում նշվում է նահատակ զինվորների հիշատակման օրը եւ Իսրայելի անկախության տարեդարձը։
Նշենք, որ Թուրքիայի նախագահը ՄԱԿ-ի համաժողովին հրավիրել է նաեւ Հայաստանի նախագահին։ Հայաստանի նախագահի մամուլի քարտուղար Արմեն Արզումանյանը նշել էր, որ ՄԱԿ-ի համապատասխան ծառայությունների հետ մասնակցության հարցը քննարկվում է աշխատանքային կարգով եւ հայտնել, որ Թուրքիայի իշխանությունների հետ երկկողմ հանդիպումներ առաջիկայում չեն նախատեսվում:
