Արեւի նոր գերճշգրիտ պատկերները արվել են հազվագյուտ տիեզերական NASA's High-Resolution Coronal Imager հեռադիտակի օգնությամբ, որը կարող է ճանաչել մեր աստղի մթնոլորտում մինչեւ 70 կմ չափերի կառույցները, հայտնում է Nat-geo-ն։
Լուսանկարներում պարզ երեւում են աստղի արտաքին շերտի այն հատվածները, որոնք լցված են նախկինում չհայտնաբերված, շատ բարակ մագնիսային թելերով, որոնք էլ կազմված են մինչեւ մի քանի միլիոն աստիճան շիկացած պլազմայից։ Արեւի բոլոր նախկին պատկերները թույլ չէին տալիս գիտնականներին հասկանալ, թե ինչից է կազմված աստղի այդ վերին շերտը։
Մինչ այժմ արեւային մթնոլորտի որոշ հատվածներ մութ կամ համարյա դատարկ էին թվում, սակայն նոր լուսանկարները լույս են սփռում մոտ 500 կմ լայնությամբ ամբողջական շերտերի վրա, որոնց ներսում հոսում են տաք էլեկտրիֆիկացված գազեր։
Այդ թելերը ստեղծող ճշգրիտ ֆիզիկական մեխանիզմը անորոշ է մնում, այդ պատճառով գիտնականները դեռեւս ստիպված կլինեն անցկացնել գիտական քննարկումներ, որոնք կկենտրոնանան այն բանի վրա, թե ինչու են դրանք ձեւավորվում եւ ազդում են արդյոք արեւային բռնկումների եւ արեւային մրրիկների վրա։
Սպասվում է, որ Արեւի հաջորդ բարձրկետային լուսանկարները կկատարվեն NASA Parker Solar Probe զոնդի եւ արեւային ուղեծրային ESA (SolO) սարքի միջոցով։